CLICK HERE FOR BLOGGER TEMPLATES AND MYSPACE LAYOUTS »

أنــــــا

My photo
انا اكتر من شخصية و كل ما فيّا بيحلم بيك

Tuesday, February 26, 2008

الحب العنيد


يا ايها الحب العنيد
الصمت بركانٌ يزيد
و القلب يصرخ عشقه
دوماً يطالب بالمزيد ,,

Monday, February 25, 2008

إحساسى الدفين


ما زلت اشعر بالحنين
و تمر من خلفى السنين
ما زال حبك ساطعاً
فى قلب احساسى الدفين ,,

Saturday, February 23, 2008

إنتهى الحب


كان بيلعب من زمان
لمّا حسسها بأمان
عاشت الوهم بجنون
صدّقت إحساس جبان
.*.

كان بيرسم الشجاعة
كل ثانية و يوم و ساعة
لمّا قالوا عليه مخادع
فكرتها يدوب إشاعة
.*.

هو فعلاً كان حنون
حبته ... بس بجنون
مستحيل كانت تفكر
إنها ممكن تهون
.*.

إستغل براءة فيها
و حُب كان باين عليها
كان بايعها رخيص فـ نفسه
و هى فكراه مشتريها
.*.

و ابتدت يوم بعد يوم
تسهر و تعد النجوم
شافت النور فى السما
بس مشافتش الغيوم
.*.

فى التحدى كان جرىء
غمّضت .. مشيت طريق
سلّمت من غير كلام
و اتولد إحساس برىء
.*.

من هنا بدأ الخداع
و اترسم طريق ضياع
كانت أكبر صدمة ليها
لمّا حست انه باع
.*.

صمتها عرف الكلام
صرخة منها قالت : حرام
مش حهين إحساسى تانى
مش حسلّم للغرام
.*.

و انتهى الحب الكبير
لمّا قتله جرح أكبر
حب كان من غير مصير
و الخداع ديماً بيقدر
.*.*.*.

مااااات !!!!!!!!

لقد مات !!!!!


ماتَ الهوى ماتَ الجنون
ماتَ البريقُ فى العيون

*

لم يبقَ إلا إنكسار
ذكرى تُخلّدُ إعتذار
و صرختُ فى وجهِ البقاء
دَقَتْ طبول الإنهياردقتْ طبول الإنهيار

*

ماتَ الهوى ماتَ الجنون
ماتَ البريقُ فى العيون

*

السيف منى قد إنكسر
و الضعفُ حاربَ و إنتصر
الذكرياتُ تحطمت
على صخورٍ للقدر

*

ماتَ الهوى ماتَ الجنون
ماتَ البريقُ فى العيون

*

لا تدّعى خلفى الصمود
كانت ليالى لن تعود
لم يبقَِ فى عينِِ الأمان
سوى التَخَلّى و الجُحود

*

ماتَ الهوى ماتَ الجنون
ماتَ البريقُ فى العيون

*

لا تفتعلْ عهدٌ مضى
ولّى بريقه و انقضى
من قالَ أنَ الإستياء .. ما كان يوماً ساخطا؟؟

*

قلْ : ساخطٌ حتى الضجر
قلها ... ولا تدع المطر
يهطل بقطراتٍ كسيحة
ودع جفائك فى عروقى يستقر

*

ماتَ الهوى ماتَ الجنون
ماتَ البريقُ فى العيون

*

برزت شروخٌ فى الجدار
من بعدِ هذا الإنتصار
صرخَ اليهودُ فى العرب
اين الدمار ؟؟ أين الدمار ؟؟؟
كنا فى حالةُ إنتظار !!!..

*

تقدموا تقدموا
تقدموا ... لن تُهزموا
الكبرياءُ تمخضَ
و الذَلُ سيدُ القرار

*

ماتَ الهوى ماتَ الجنون
ماتَ البريقُ فى العيون

*

يا أُيها الوادى الحنون
إحساسى ابداً لا يخون
ضحكاتى ليلٌ صامتٌ
سأزوركَ وحدى تائهة
كى لا تحاصرنى الظنون
فلقد دُفنت عندما
ماتَ البريقُ فى العيون


Friday, February 15, 2008

قبل ما طيفك يلمس عينى


لما قابلتك .. لون الدنيا فـ عينى اتغيّر
حتى ملامحى .. يوم ورا يوم بدأت تتغيّر
صعب أحبك ... و أوصف حبك
علشان عمرى فـ وصف عيونك بس .. قصيّر
/*\
أنا محتاجة سنين و سنين وياك أحياهم
عشرين سنة فاتوا من عمرى ... مش فكراهم
عمرى ابتدى من يوم ما قابلتك اول مرة
حتى دقايقى بعيد عن حضنك ... مش حسباهم
/*\
و عشان انت المعنى اللى انا ياما اتمنيته
قبل ما اشوفك كان فى خيالى ... و أنا حبيته
أيوة بحبك قبل ما اشوفك ... فيها ايه يعنى ؟!
قبل ما طيفك يلمس عينى .. هواك حسيته
/*\
لماّ نادانى البحر و موجه مال و سألنى :
ليه بالقوة دى ماسكة اديه ؟ ليه مش بتغنى ؟؟
ضحكت عينى ... و قلت : بحبه
لكن خايفه فيوم لا عيونه تبعد عنى
/*\
عاهد قلبى ان انت تعيش ديماً تهواه
ولا يوم قلبك مرة يبيعه و ينسى هواه
عاهده عشان على أد ما حبك
خايف انك يوم تنساه
/*\
عاهده تكون طول عمرك ليه
لو غاب عنك يوم ... تناديه
عاهده تكون طول عمرك جنبه
و ان اديك تفضل فإديه

Thursday, February 14, 2008

إلى سجين ...


فى رخصك سجين
و وضعك مهين
و للعزة ديما
بترسم حنين
.*.
و عامل حكاية
بداية و نهاية
و مخدوع فنفسك
بقالك سنين
.*.
مع الوقت شفتك
و بانت حقيقتك
ذليل ذل فاخر
و رافع جبين
.*.
على الكدب حارس
مناضل و فارس
بتكدب و رافع
شعار اليقين
.*.
بص فمرايتك
تقولك حكايتك
منين جاى غدرك
و رايح لفين


الضلمة عمرها ما تكون نور
و لا عمر صدق يصادق زور
كفاية كدب ... كفاية خداع
و السعى منكم غير مشكور ,,

من الماضى

من الماضى البرىء
عارف ايه اصعب احساس؟؟
لما تتوه فى اعز الناس
لما تحس أن انت وحيد
جواهم من غير انفاس
/\*/\
بتحاول تضغط على نفسك
لا تحس الغدر و لا يحسك
لكن تفكيرك مشلول
كل ما تبعد تانى يشدك
/\*/\
بتحارب شىء ماضى و كان
صوتك خايف م الاركان
خايف تصرخ صرخة قوية
بيها تهز جراح انسان
/\*/\
انسان كان ديما بيصونك
على طول خالف كل ظنونك
بس التفكير قاتل عقلك
و الإحساس ديما بيخونك

الكلام ممنوع



لسه الألم مسموع
لكن الكلام ممنـــوع
خلاص مشيت سكة
مفيهاش طريق لرجوع !!!!!

الصمت كان بركان
الحب فيه اتهان
و الجرح كان غابة
لكن الجريح إنسان !!!!!!!

فالقصة محسوبة
و نهايتها مكتوبة
طب ليه حنتكلم
و نقول ده كان ياما كان !!!!

ممنوع الإقتراب

عندى مليــــــون كتاب
فى الفرح و فى العذاب
عنوان على كل صفحة
ممنوع الإقتراب!!!!

Monday, February 4, 2008

عندما يُهان الوطن

ملامح من الماضى
عندما عانى الوطن
من شعور الاختزال
صار رمزا بالياً
ديس منّا بالنعال ,,




ابن آدم


ابن آدم مش حقير

بس لو يرعى الضمير

ينسى ان اصله طين

و يفتكر عمره القصير ,,

و عجبى ,,

ترانيم ,,


خلف الأيام المنهارة

يسحقنى الوهم ... و بجدارة

يتغلغل فى عمق الحزنِ

أصمد تارة و أسقط تارة
/,,/

كنت الظالم و المظلوم

عايشت الوهم المزعوم

على أملِ أن الظلمات

تحمل فى بعض الأوقات نجوم
/,,/

و أفقت على ضوءِ الشمسِ

يقرأ لى أخبار الأمسِ

فعرفت بأنى واهمةٌ

أفرطت فى ثقة النفسِ ,,

خرابيش



صورتك تايهة ما بين احزانى
و انا دلوقتى خلاص مش شايفة
غير أفكار ثايرة و شدانى
و انا تقريبا منك خايفة ,,

غرفة إنعاش


كلانا يتألم فى صمتٍ
فضميرك فى غرفةِ إنعاش
و أنا لا ابصرُ فى الضوءِ
أحيا ببصيرةِ خفاش ,,




Sunday, February 3, 2008

صورةٌ مهتزة


صدوعٌ صدوعٌ فى الجدران
بعثرت القلوب
رجت أروقة المكان
و أصبحت أنت على الأركان
صورةٌ مهتزة
حيره
تشتت
تمزق
بكاء
مشاعر إجلال ... و أخرى إستياء
قلوبٌ يئس منها العناء
صورةٌ مهتزة
ذهولٌ
و غرقٌ
فى وسط البحار
شدٌ و جذبٌ
مع التيار
و سحبٌ يحاول فرض الحصار
صورةٌ مهتزة
ترقب
و خوفٌ
و أملٌ ضعيف
ربيعٌ يموت و يحيا الخريف
شوائب شوائب فى كل مكان
ليت الهواء يكون نظيف
صورةٌ مهتزة
ضعفٌ أراه و لا أراه
ماضٍ أخاف أن ألقاه
حقيقةٌ فيها
تمنى الحق طمس عيناه
صورةٌ مهتزة
زهورٌ تموت
و تذبل غصون
مياهٌ تحاول قتل الظنون
رجاءاً
رجاءاً
لاتكون
ورود و أشواك