CLICK HERE FOR BLOGGER TEMPLATES AND MYSPACE LAYOUTS »

أنــــــا

My photo
انا اكتر من شخصية و كل ما فيّا بيحلم بيك

Friday, December 19, 2008

!!! فى أحضان الذئب

بعتذر عن تغيبى المتكرر و المتواصل بس ظروف الشغل دلوقتى بتحكمنى ، و اتمنى ان ميكونش حد زعل من تأخرى فى الرد عليه هنا او فى الوجود فى مدونته ، امتحانى قرب ياريت تدعولى بقى

و عايزة رأيكوا فى القصيدة دى بصراحة متناهية لانى احتمال ادخل بيها مسابقة

فهل رأيكوا انها تصلح ولا لأ ؟


...أحبُ الذئبَ و الصحراءُ
فى عينيهِ تسحرُنى
... نشازٌ بين ألحانى
وخوفٌ منه يملأُنى
... أشُمُ ضراوةَ الأزهارِ
و الغربانُ ما زالت تُلاحقنى
... ففى أحضانِ ذاكَ الذئب
عشقُ الخوفِ يملكنى
... صخورٌ فى رمالِ الحب
تعشقهُ و تعشقنى
... و تاريخٌ من القسوة
يساعدهُ و يُرهقنى
... أذوبُ أمامَ قسوتهِ فيجذبنى
بوحشيةْ ؛ يراقصنى يداعبنى
... أحبُ جنونَ إلحاده
و ذاكَ العنفِ يأسرنى
... و يتباهى غرورُ الذئب
و يكتبُ إسمى عاشقةٌ من الضمنِ
... أعرفُ أنهم كُثرُ ؛ و أتألمْ
يزيدُ غروره ولعاً و يقتلنى
... نعم ثوراتى واهيةٌ و غاضبةٌ
جنونُ الخوفِ يسحقنى
... أخــافُ على ذكراى أن تذبل
و ذكرى أُخرى تمحقنى
... فيا ذئبى , كفاكَ تجارةٌ فيَّا
أحاولُ صَدَّ أشواقى ، فساعدنى
منة الله مدحت

Thursday, November 27, 2008

ميّتة زيّك (عامية مصرية)

دفنت صورتك و ابتديت ابكى
حرمانى منك للدموع يشكى
الكون مسافر بس انا واقفة
الحزن سكتّنى لما ابتدى يحكى
***
علشان عنيك عاشت جوايا احزانى
و دبت أنا فحزنك ... رغم انه بكانى
نسيت معاك الناس و الغربة و الأوطان
و لقيت فى حضنك بيت نسّانى عنوانى
***
بس الحياة سرقت حضنك و سرقتنى
و ندهت .. بس يدوب احزانى سمعتنى
ليه التراب يخدك و انا اولى بوجودك
ليه الفراق يبعد قلبك و يبعدنى
***
مش عايشة من غيرك ولا حاسّة بالدنيا
و بعّد دقاتى فى الساعة بالثانية
مش عارفة ليه عايشة و حياتى ليه باقية
لما انت مش جنبى و رحت لحياة تانية
***
انا ميّتة زيّك ... عايشة حلاوة روح
فيّا الحياة جارحة ، فيها الأمل مجروح
قلبى اندفن جنبك ... مبكيتش لحظة عليه
بكايا على غيرك أصبح مهوش مسموح
عازفة الأوتار
( ورود و أشواك )

Thursday, November 6, 2008

بائعة الورود

عدنا
:)

.
.
.. قد أكون ياسيدي
.. ضعيفةٌ هائمةٌ في مشهد حضورك
وأرى مفرداتي قد فقدت سبيلها
من أعماق قلبي إلى الأوراق
! ضاع منها الطريق في زحام الحياه
.. قد يكون صمتي أثار حنقك
وتلعثم الحروف على طرف لساني
أفقدك الشعور بالحب
*
قد تكون نظراتي بريئة إلي حد السذاجة
ما استطاعت يوما أن تحرّك سكونك
لم تحرّك شجونك
لم تغتالك
لم تصل لقمم جبالك
لم تذيب جليدك
.. قد أكون أيها الحب
.. فشلتُ
وبكل المقاييس
!! في أن أشعركَ بأنني إمرأة
..تكسّر الحدود
.. وتلغي الحواجز
!!.. كي تعود
*
تمنيت أن أكون إمرأة على أعتاب قلبكَ .... تفرشه بأوراق الورود
.. تمنحك الأشواق
.. تشعر فى ضعفها بالأمان
لكنني إكتشفت أنني
!! إمرأةً لا تمنحك سوى الأشواك
.. و ترفع بعدها رايات الفشل
.
.. أنا أيها الصامت
إمرأةٌ قد تحطمت ورودها على أشواكها
.. فإعذرني
لأنني لا أحمل في جعبتي سوى وخزاتها
*
.. لن تطل عليّ
وبين يديك باقات العبير الساحر
.. ولأتجرأ وأهمس برفق فى آذان الحب
!! بأنني وبكل بساطة ، أحب
فيقفز من غفلته
و يغنّي ..و يشدّني ..ثم يقتلني
*
أيها الملك المتوج على عرش قلبي
متى تُرانا نلتقي ؟
ومتى أرى سحرك ؟؟
!!ما الذى أشعر به ؟
هل تسللت كلماتك ؟؟
لتصيب نقطة الوسط فى دائرة قلبي ؟؟
... ما هذا اللحن الذى يسرى فى اعماقي
على ضفاف جداول المياه بطيئة الحركة
.. لأفتح كتاب حبك
ذاك الكتاب الذى تقطنه دمعة واحدة
دمعةٌ صامتة
وضجيج العشق يملأها
و يعصف بسكناتها
*
تعلم أننى أخجل من مشاعري تجاهك ؟
أخجل من الأوراق و السطور
أخجل من الأقلام و أحبارها
.. أخجل من وسادتي
التى أحتضن طيفك فى دفئها
.. وأخجل حتماً حين أنشر آهاتى هنا
على مسامع هذا الجمهور
وأبدو أمامهم ضعيفة
تكسرنى زوايا كلماتي
.. ويقتلنى الحنين لرجلٍ بالغت فى حبه
!!.. إلى حد الجنون
*
تعلم أننى أخجل من نفسي
حينما أعد عدتي للرحيل عنك
وألملم ما تبقى لي من أشلاء ذكرى كانت يوما ما ، جميلة
و أجري فى ذاك الطريق
أخاف من نفسي و أقاتل الحنين
و أتلفـّت حولي جزعاً
! و أهمس بقوة .... لن أعود
فترتجف قدماي من التعب فى آخر الطريق
و حين أسقط
أتحسس ذاك الجذع الذى سقط قلبي فى أحضان قدميه
فأجده أنت من جديد
و أعود أحبك من جديد
و أتعذب من جديد
و أعزم على الرحيل من جديد
لكنني بكل إنكسارٍ .... أعود
*
.. أتعلم أيها الحبيب
أن الذكريات الجميلة أحياناً تكون أسوء تراث يخلفه الحب ورائه ؟
لأن من تذوق شهد العسل لا يرتضى الحنظلِ
..... فإرحل
قبل أن ترهق قلبى بمزيد من السعادة
قبل أن تضىء النور لذاك القلب الكفيف
دعنى أحاول إخماد نيران أضواءك بهدوء
.. و فى صمت
!.... إرحل
كى لا تبنى مزيد من الإنهيار فى أعماقي
/
\
/
عازفة الأوتار

Sunday, November 2, 2008

كيفك انتا ؟

يمكن دى أول مرة انزل حاجة منقولة أو مش من وحى قلمى
بس اعتبروها مداخلة دخيلة على مدونتى
و اللى مسمعش الأغنية دى نصيحة منى يسمعها
و رابط التحميل فى آخر البوست
.

كيفك أنت ؟

.
.

بتذكر أخر مرة شفتك سنتا
بتذكر وقتا أخر كلمة قلتا
و ما عدت شفتك ... و هلق شفتك
كيفك أنت ملا أنت
.
بتذكر أخر سهره سهرتا عنا
بتذكر كان في واحدة مضايق منا
هيدي أمي ... بتعتل همي
منك إنتا ... ملا إنتا
.
كيفك قال عم بيقولو ... صار عندك ولاد
أنا و الله كنت مفكرتك براة البلاد
شو بدي بالبلاد ... الله يخلي الولاد
كيفك انت ملا انت
.
بيطلع عبالي ارجع أنا و اياك
انت حلالي ارجع أنا وياك
أنا و انت ملا انت
.
بتذكر اخر مرة شو قلتلي
بدى تضلي ... بدك فيكي تفلى
زعلت بوقتا ... و ما حللتا
أنو انت ... هيدا انت
.
بترجع عراسي رغم العيال و الناس
إنتا الاساسي و بحبك بالأساس
بحبك أنت ملا أنت
/
/
زياد الرحباني
بصوت السيدة فيروز
.
.
رابط التحميل إهداء من صديقى تامر الحسينى
http://www.mawaly.com/file/download/29887.html

Monday, October 13, 2008

أنوثة هاربة

السلام عليكم

تقريبا انا رجعت من العطلة الرمضانية

بس اعذرونى ان تواجدى حيكون قليل لسببين

السبب الأول ان جهازى طريح الفراش و شكلى حرميه و اجيب واحد غيره

و السبب التانى انى اشتغلت و بكتبلكم من الشغل دلوقتى ، انا اه قاعدة فاضية شكلاً بس مضمونا وقتى مش مترتب لسه

و مش ببقى مركزة فى المدونة من الشغل طبعا

فاعذرونى لو قصرت مع حد و انا ححاول الفترة اللى جاية انى ادخل كل المدونات اللى بحبها هنا

بس كل يوم على اد ما اقدر

و دعواتكم بقى و وحشتونى بجد

اترككم مع كلماتى المتواضعة

أنوثة هاربة

.....................................................................





اليوم خلعت قلادة الحياة عن عنقى
و مسحت قبلات الهوى التى طبعتها يوما على وجنتاى
و لعنت سذاجة الطفلة العاشقة .... كما لعنت كل ما كان يغريك فيّا
اليوم خرجت على عشيرتى بوجهٍ جديد
لا يحمل من الأنوثة كثيراً ، كما لا يحمل من الطفولة
خرجت لا أحمل إلا ندماً و إقداماً على الهروب
.
.
جميعهم ينظرون إلى خطواتى المرتعشة فى ترقبٍ و خوف
يتطلعون إلى الهالة الزرقاء التى تزين جفونى
تكاد خصلات شعرى المتناثرة فى الهواء تسرق وعيهم
و السؤال يقف حرجاً ، مكتوف الأيدى ، على ألسنةٍ تدّعى السكون
.
.
.
يهمهم الرجال : ليست جميلة و أخاذة كما ادّعى البعض ... ما اكثر الشائعات فى بلادنا

و الأطفال يهربون إلى أحضان أمهاتهم كلما استكانت احدى خطواتى على الأرض ، بينما تردد الأم فى أسى : لا تخف يا حبيبى ... لن تؤذيك
.
.
أخذت استمع إلى تلك العبارات المقذعة
بدلا من عبارات الإعجاب التى اعتدت سماعها
و دموعى تعتصر احداقى ثم تمضى بلا أمل على وجهٍ ملطخ بالسواد
..... كأن المياه ما عرفت له طريقاً منذ زمن
ما زلت أقف على حافة النهر
لا أعرف من هى تلك المرأة البائسة التى تطل على من مياهه
!!!! ....أنها تشبهنى كثيراً
.
.
اتسائل فى خوفٍ و بعضٍ من مخلفات الأنوثة الهاربة
هل ألبى نداء تلك البائسة ؟
أم أعود لعشيرتى و أدّعى الصمود ؟

Monday, September 8, 2008

ابتسامة جديدة

إعتذار: حبيت اودعكوا بالبوست ده لحين عودتى للنت تانى بعد شهر رمضان ان شاء الله
لان الوقت عندى مضغوط جدا
بعتذر لأى حد تأخرت فى التعليق على مواضيعه و انتظرونى بعد رمضان
تحياتى للجميع
:)
/
\
**إبتسامة جديدة**


,, أدركت اليوم أن ثمّة شىءٍ قد تغير
.
.
عندما وقفت أمام مرآتى الصغيرة .. وأمعنتُ النظرْ
عرفت أن الطفلةُ قد فكت جدائلها
و ألقت بالشرائط الوردية فى ركن الذكريات
... بعدما اختارت لنفسها قصة شعرٍ جديدة
وملابس جديدة
و ملامح جديدة
و حياة بكل ما فيها ... جديدة

ما زالت تنظر إلى الماضى بنوع من الإشتياق ... مع وعدٍ بالغياب الأبدىِّ
ما زالت تبتسم لطفولتها

ما زالت رغم كل شىء تبتسمْ
! لكنها ابتسامةٌ جديدة

Monday, September 1, 2008

الحقونى بقطن و شاش ... عازفة الأوتار اتبطحت يا رجالة


كل سنة و انتوا طيبيييين يا بشر
رمضان كريم على الجميع و ديما متجمعين فى الخيمة البلوجرية الحلمنتيشية دى
قولوا آمين يلا
د. مروة المعداوى (قباحة سابقاً) مهانش عليها ان دكتور عمرو يحدفها بطوبة من غير ما تحدفنى بيها
ازاااااى و دى تيجى ؟؟؟؟
يا ندوّن سوا ... يا نتبطح سوا
لأ و البطحة جيالى مركّبة ... اتنين دكاترة اتفقوا عليا
يلا انا وعدت مروة انى مش حدعى عليها علشان هى متظبطة فى النبطشيات اصلا و المرضى جابولها الهسهس و الاستبحس
و الضرب فى الميت حرام بردو
و بعدين قباحة ليها معزة خاصة فى قلبى لانى كتير من الاوقات بلاقى نفسى فيها و فى كلامها
اه و الله ولا ليكو عليا يمين
بس انا مش عسولة اوى زيها كدة
//
//
//
نبدأ بقى نحسس على البطحة و نخيطها غرزة غرزة
و آدى د. مروة على يمينى .... و د. عمرو على شمالى
عمالين يقولوا كلام بالانجليزى كدة ... اعدم نفسى لو فاهمة منه حاجة
استنوا سمعت حاجة من الكلام بتاع البنى ادمين بتاعنا
رصاصة ؟؟؟
رصاصة ايه يا مروة ؟؟
هو الموضوع كان فيه رصاصة ؟ احنا متفقناش على كدة
/
\
عمرو ماسك ملقاط طوييييييييل و عمال بيقّلب جوة فى راسى
والنبى يا دوك. بالراحة لحسن الدماغ تعبانة لوحدها مش ناقصة يعنى
يلا انا حسيبهم هما يقلبوا و يلغوّصوا جوة و انا حجاوب على التاج رصاصة رصاصة .... قصدى سؤال سؤال
.
.
أول رصاصة
بدأت تدون امتى و دخلت عالم التدوين ازاى ؟؟؟ اطربنا يا معلم
.
.
بدايتها سؤال كدة جاى على الوجيعة
مش كفاية الوجيعة اللى عمالين يلعبوا فيها فى راسى
انا حقول كل حاجة ...
انا سكتى مع المدونة طويلة شوية
بس استنوا اشوف اول مدونة عملتها امتى
اول مدونة يا بشر كانت بإسم (اوتار ممزقة)
هى هى نفس الاوتار اللى بعزف عليها دلوقتى :) بس وديتها عند الرفة شبكهالى فى بعضها
كانت على موقع مكتوب و ده اللينك بتاعها
http://menna.maktoobblog.com/
و اول تدوينة فيها بتاريخ 11 حزيران 2007
بصراحة انا مبعرفش فى حزيران و بزيران و الحجات دى
ياريت حد يحسبلى كانت من ايد بقى و يقولى
مع الوقت سبتها لانى كنت مشرفة فى منتديين على قسم الشعر فكان دخولى بطبيعة الحال قليل عليها
و بعد فترة طويلة اتعملتلى مدونتى الحالية كإهداء من شخص كنت اعرفه من خلال المنتديات
بس كانت بلينك تانى غير اللينك الحالى
وكنت اختارت ليها اسم ملامح امرأة عادية
و بعدين غيرته لعازفة الأوتار
و بقت بالشكل الحالى
و اول تدوينة فى عازفة الأوتار بتاريخ 3 فبراير 2008
و كانت من كتاباتى بس الادراج بواسطة الشخص اللى عملى المدونة بعنوان
(صورة مهتزة )
اظن كدة انا جبت الديب من ديله و ديل صحابه و جرانه و العيلة و الجدود بتوعه

تانى رصاصة
ايه كان انطباعك فى البداية ؟؟
.
.
و الله يا مروة انا الموضوع مكانش جديد عليا لانى كنت متشردة فى المنتديات قبل كده
و لفاها شارع شارع و حارة حارة و رصيف رصيف
بس الجديد اللى حسيته انى بلعب فى ارضى
حلوة بلعب فى ارضى دى ههههه
يعنى حسيت انى بكتب و برتب و بظبط الصفحة زى ما انا عايزة
و اللى بيدخل هنا بيدخل مخصوص علشان جنابى مش زى المنتدى
و فرقت كمان انى تخلصت من صفتى الاشرافية هنا و بقيت بتعامل على طبيعتى اكتر بدون ادوات تحكم ولا توجيهات ادارية و لا قناع لازم البسه علشان اقدر اسيطر على القسم و حدود فى التعامل و ضوابط فى الاسلوب اللى بتكلم بيه لانى مشرفة و ميصحش اعمل كذا و كذا علشان الاعضاء يعملولى حساب
ده حسيته اكتر فى المدونة هنا لان مدونتى الحالية تعتبر اول تفاعل ليا حقيقى فى عالم التدوين على عكس المدونة الاولى اللى كان تفاعلى فيها قليل جدا بسبب انشغالى بالمنتدى
و فى احساس كمان حسيته دلوقتى يامروة انتى و عمرو
ان اديكم بدأت تتقل اوى فى راسى و بدأتوا تلغوصوا بقلب اوى
الى جانب ان البنج اللى اديتوهولى مش عامل اى حاجة و الناس اللى مكتفنى اديهم تقيلة اوى و حاسة ان اديا و رجليا بدأوا يزرقوا
و انتى شغاله تقوليله قلب يا عمرو و هو يقولك استنى اجيب من تحت علشان يتقلب معاهم
و حاسة انك شوية و حتقوليله حطها على النار و زودلها الملح شوية
بالراحة يا جدعاااااااااان دى دماغ تعبانة خلقة
فى الوقت ده لقيت زغدة قوية و مستقوية من الدكتورة مروة فى دراعى
و كان ملهاش غير معنى واحد .... اسكتى احسنلك
و انا مفيش ادامى غير انى اسكت و الهى نفسى فى الاجابة على الغرز اللى فاضلة
.
.
ثالث رصاصة
مين اكتر واحد بتحب تعليقه على بوستك الجديد ؟؟
.
.
بصوا انا بحب كل التعليقات بصراحة و اى تعليق بعتبره شرف ليا و بفرح بيه جدا
لانى بحب كل ضيوف مدونتى و ده بجد و الله مش مجاملة
بس فى تعليقات بتلمسنى شوية زى تعليق شهرزاد و تعليق فارس بلا جواد و برنسس دودو
و ahmed_k و تامر الحسينى و فى تعليقات لذيذة و على راسها كيكى طبعا بتاعة عوووووو
و يمكن اكون نسيت ناس غصب عنى
بس بشكل عام كل التعليقات ليها مكانة فى قلبى هى و اصحابها
اى اى ... حاضر فهمت
و طبعا ملائكة الرحمة د. مروة و د.عمرو
هما الخير و البركة هو احنا لينا غيرهم
يا مدلعينا يا مشخلعينا
بالراحة و النبى على نافوخ منة
.
.
رابع رصاصة
ايه اهم حاجة اتعلمتها من عالم التدوين ؟
.
.
اتعلمت لما الاقى تيجان بتتحدف اوطى أو آخد ساتر
و لما تيجى الطوبة فى المعطوبة مخليش مروة و عمرو هما اللى يخيطولى الغرز :))
.
.

خامس رصاصة
حاسس ان التدوين له تأثير ؟
.
.
ااااااااااااه حااااااااااسس طبعا
لو انا مش حاسس مين حيحس يعنى ؟؟
ده ليه تأثير بيسمع فى الجسم كله خاصة لما البنج يكون مضروب و الدكاترة اديهم خفيفة كدة

هو التدوين ليه تأثير من الناحية الشخصية
يعنى هو افراج عن مشاعر الواحد المكبوتة و مشاركة وجدانية جميلة بتساعدنا على تخطى الكتير من العقبات اللى بنواجهها فى حياتنا
و بينمى حجات كتير فى الانسان
يعنى اسلوب الكتابه مع الوقت بيتغير
اللباقة فى الكلام كمان بتكون احسن
و من خلال المرور على مدونات اخرى بناخد خبرات و سعات معلومات مهمة جدا
لكن على مستوى الراى العام بقى و و الحجات دى
فاعتقد انه وسيلة ضعيفة جدا ده لو كان ليه تاثير
لكن ليه تاثير فى نشر فكر معين المجتمع عنده استعداد اصلا لتقبله
......
حاضر حاضر حدخل على اللى بعده متزقوش انتوا الاتنين
.
.
ساااادس رصاصة
تهدى البطحة ... قصدى التاج ده لمين ؟
.
.
smilyrose وردشان
princess dodo
engy
شهرزاد
كيكى
liitle lady
تامر الحسينى
و البند ده قابل للتعديل بقى
يمكن افتكر حد عايزة ادبسه ولا حاجة
( ضحكة شريرة )
/
/
/
/

ااااااااااااااااااااااااااااااااااااااااااااااااااااااااااااى
خلاص و النبى يا مروة مش حقف فى سكتك و انتى بتحدفى تيجان تاااااااانى
طاخ طيخ طوخ
بونج بونج
بوووم

عمرو و مروة فى نفس واحد
احنا عملنا اللى علينا و الباقى على ربنا
( ضحكة شريرة بردو)
.
.
: امضاء
المرحومة عازفة الاوتار الممزقة


Wednesday, August 20, 2008

سر الكون العاشق

عودة بعد غياب طويل
عارفة ان البعض زعلوا منى لانى مكنتش متواجدة و بعتذر من الجميع بجد
و لأن فى شوية حجات كدة اتغيرت فى حياتى للأحسن الحمد لله
حبيت اكتب شىء مختلف شوية بالعامية اللى بقالى فترة مش بكتبها كقصائد و كنت مكتفية بالرباعيات فى مدونتى التانية
اتمنى اسمع رأيكوا فى القصيدة الصغننة العامى
.
.
.
الأرض بتضحك بجنون
متشعلقه بايدين الكون
صعب طريقها معاه و طويل
بس عشانه الصعب يهون
.
فى الليل النجمة بتحرسها
لما عليها يميل و يبوسها
و السما فى الضلمة تخبيهم
لما الشوق فعنيه يلمسها
.
و أما الصبح يشقشق نوره
قمر الليل السر يصونه
تحكى الدنيا حكاية عاشق
داب الحب اوام فى بحوره
.
قصة حكيتها و مش حنساها
مهما تمر سنين فكراها
هسمة عشق فى كل سطورها
ارض و سما و نجوم سمعاها
...................

Wednesday, July 23, 2008

أتنازل عن عرش شهرزاد

: تحديث
اعتذر عن تغيبى لفترة زمنية ليست طويلة
اعود لكم بعدها بإذن الله
و اعتذر لكل من اغفلت تعليقه او تغيبت عن مدونته
اعذرونى

لم أفرح حينما أخترتنى لأكون شهرزاد مملكتك
فمنذ نعومة أظافرى و أنا اتابع قصص ألف ليلة و ليلة
أنصت لصوت صياح الديك عند كل صباح
.
.
عرفت عن شهريار الكثير
و رأيت مسرور يقف فوق جثث الجميلات
بينما شهريار غارقٌ فى أحضان شهرزاده الجديدة
.
.

... لذا
إذا ارتضيت أن أبقى شهرزاد
ستبقى أنت شهريار
و يبقى سيف مسرور بيننا
.
و الليلة الثانية بعد الألف حتماً آتية
/
\
فابحث عن شهرزاد غيرى تحيى لياليك



Sunday, July 20, 2008

و تاج وتاج وتـــــاج ....بيييييييييييييييب ( صفارة النهاية ) كان معكم معلق السراى مصطفى الطيب


اللى اهادنى التاج ده صديقى العزيز مصطفى الطيب
بشكره عليه ...

و دلوقتى حبدأ احل سؤال التاج
اللى انا خمنته طبعا لان مصطفى مكتبهوش فى البوست بتاعه
و هو تقريبا اذكر 16 صفة تصف فيهم نفسك تقريبا او حاجة كدة
المهم هما 16 يعنى

16 يا مصطفى ؟؟
دى تدبيسة تدبسهالى بردو ؟؟

يا مسهل


بسم الله نبدأ ...
1-
عنيدة ( ياساتر يا رب )
2-
بتحرج و سعات مبقدرش اقول لحد لأ حتى لو طلب منى شىء حتى لو كان الشىء ده حيدايقنى او مش موافقة عليه ( حاجة حلوة اهو ... يا مسهل )
3-
عصبية ( ربنا يستر و الناس متكرهنيش )
4-
بشوشة ( متعارضة مع الصفة اللى فوقها بس بجد انا كل الناس بتقولى انى بشوشة و بضحك و انا بتكلم .... و انا بتكلم بس لكن و انا ماشية لوحدى فى الشارع ببقى عاملة زى عسكرى الدورية )
5-
طموحة ( حاسة انى حموت قبل ما اوصل لكل اللى انا عايزاه )
6-
سعات بيبقى لا بيعجبنى العجب ولا الصيام فى رجب ( معرفش ليه )
7-
متنااااقضة جدا ( بدأنا شغل الجنان بقى ... يعنى ممكن تلاقوا فى صفاتى حجات متمشيش مع بعضها بس انا كدة و الله )
8-
متوترة جدا لما يكون ورايا حاجة و ملتزمة بمعاد
9-
مجنونة ( طبعا ده شىء واضح )

*********
فاصل و نواصل
حريح شوية بقى و اجى اكمل
*********
بعد 5 دقايق
****

10-
بحب اللغات جدا جدا
11-
لما بحط فى راسى حاجة لازم اعملها ( زى عنيدة يعنى بس انا بستهبل بصراحة )
12-
بحب لما اتحط فى منافسة اتميز فى عملى و بعمل كل اللى فى وسعى و فى اكتر الاحيان بوصل للى انا عايزاه
13-
معنديش روح رياضية فى التحدى ... يعنى بزعل اوى لو خسرت تحدى معين
14-
عندى مرونة فى الحوارو قدرة على استيعاب الطرف الآخر ( و طبعا ده مختلف عن التحدى ... علشان محدش يقولى ازاى معندكيش روح رياضية و بتقبلى الطرف الآخر .... المرونة هنا فى تقبل فكر اللى ادامى )
15-
مرحة جدا و بحب الضحك و الهزار إلى حد الهبل فى بعض الأحيان
16-
أوقات بكون نكدية اوى لدرجة انى مش بطيق نفسى ( أوبسسسس ..... ختامها مسك ههههههه)




اللى عايزة ادبسهم ...
1-
ذو النون المصرى ... صاحب مدونة :
http://zolnoonelmasry.blogspot.com/

2-
محمد حلمى مخلوف ... صاحب مدونة :
http://makhlof-kaensafr.blogspot.com/
3-
مدحت محمد ... صاحب مدونة :
http://magic-of-romance.blogspot.com/
4-
وايت هارت ... صاحب مدونة :
http://bash-metbahdel.blogspot.com/
5-
كيكى ... صاحبة مدونة :
http://fokaakmeny.blogspot.com/
عوووووو ( العو دى لـ كيكى عشان هى بتحب الحجات دى .... اتخضيتى :) )


سلاموز بالموز

Wednesday, July 16, 2008

إعترافات امرأة


.... أعترف بأننى قتلتك
فرجلٌُ مثلك لا يستحق أن يعيش فى قلبى
.
.
و غداً ستنشر الصحف صورتى بجانب جثتك فى الصفحةِ الأولى
/
\
اقرأها ببرودٍ كعادتك ,فى الصباح
.... و أكمل يومك
,, فكم من امرأةٍ قتلتك قهراً فى قلبها قبلى

Saturday, July 12, 2008

واجب منعكش


طبعا بعد ما خلصت امتحانات كنت رميت الكراسات و الأقلام و كل شىء يمط للدراسة بصلة
بس طبعا نعكشة مش اى حد و طلباتها أوامر ( حتى لو كان واجب اهىء اهىء )
.

.
و بسم الله نبتدى المشوار
/
\
أسرار قد لا يكتشفها من يقابلك أول مرة ؟6
قوانين الواجب:
.
.
1-
أذكر اسم من طلب منك حل هذا الواجب؟
نعكشة المنعكشة صاحبة مدونة نعكشة
2-
أذكر القوانين المتعلقة بهذا الواجب؟
كمل الموضوع لآخره و انت تعرفهم .... مش عايزين كتر كلام :p
3-
تحدث عن ستة أسرار قد لا يكتشفها من يقابلك للمرة الأولى؟
جينا للفضايح بقى و الحجات اللى حتزعل الناس منى
من الاول كدة يا جماعة حتلاقوا شخصية تانية خالص غير اللى تعرفوها
1-
عصبية جدا بدرجة مزعجة , بس الشىء اللى بيعادل العصبية دى و يقلل من حدتها شوية انى بهدى بسرعة جدا و بندم على عصبيتى و كل شىء عملته فيها و اكيد بعتذر ... بس بعد ما تقع الفاس فى الراس بقى
مع ان شكلى ميقولش كدة خالص .... يعنى صعب حد يشوفنى و يصدق انى عصبية حتى لو قعدت احلفله ... فانا بسيبهم يشوفوا بعينهم بقى هههههه
2-
مترددة شوية , يعنى ممكن افضل فترة طويلة بفكر انا عايزة اعمل ايه فى مستقبلى
شوية اقول حكمل فى مجالى اللى هو الحسابات و بعدين افتكر انى مش بحب الحسابات اصلا
و شوية اقول لا انا حدرس لغات علشان دى الحاجة اللى بحبها و بعدين استخسر ال 4 سنين ... حجات كدة يعنى
3-
مش حيخطر فى بال حد انى ممكن اكون بكتب شعر او خواطر لا عامى ولا فصحى و لا حيعرف انى برسم و بحب الموسيقى , لانى مش هادية ابداً بمعنى أًصح مشعننة شوية , حتى اصحابى مصدقهوش انى بكتب خواطر و فكرونى سارقاها فى الاول اول ما وريتهم اللى انا كتباه
4-
ضعيفة من جوايا و اقل شىء ممكن يأثر فيا و يأثر على نفسيتى , و ممكن اقعد ابكى بالأيام بعد ما اسمح خبر موت مثلا او تعب و الموضوع يسبب ليا ازمة
5-
حزينة جدا فى بعض الاوقات , يعنى كل اللى يشوفنى بيلاقينى بضحك و مش ببطل ضحك و مكبرة من الدنيا ,,, حيقول دى مستحيل تكون بتعرف يعنى ايه حزن
مع انى مع نفسى اوقات بكون حزينة جدا لما بسكت شوية او بتأمل فى الدنيا او فى اى احداث مرت بيا
6-
مفيش حد ممكن يعرف اللمشاعر اللى جوايا كاملة
بحب ديما احتفظ بجزء منها ليا و مش بكون واضحة و صريحة مع حد ابدا فى الجزء الخاص بمشاعرى لانى بلاقيه بيمثل شىء خصوصى خاص بيا انا بس و خروجه عنى بعتبره تعدى على حقوق نفسى

اتمنى اكون قدرت اوصل حاجة عن نفسى و يكون كلامى واضح و سهل
4.
حول هذا الواجب إلى ستة مدونين،وأذكر أسماءهم مع روابط مدوناتهم في موضوعك

1-
مصطفى الطيب صاحب مدونة
فارس بلا جواد صاحب مدونة
برنسس دودو صاحبة مدونة
البت قباحة صاحبة مدونة
أحمد صاحب مدونة
دكتور عمرو صاحب مدونة
ترك تعليق في مدونة من حولت الواجب عليهم، ليعلموا عن هذا الواجب.
جارى التحميل ... قصدى التنفيذ
.............................................
أحمدك يا رب
خلصت الواجب

حدخل انام بقى
تصبحوا على خير

Saturday, July 5, 2008

قوانين فلكية






بحثت كثيراً عن أسباب غربتنا
نقبت و فتشت فى طيات السنين و دواخل الزمن
سألت المسافات و الطرق السريعة و الحدود الجغرافية
اشتعلت ثورتى على رمال الشواطىء و فى أعماق المحيطات
ناديت السماء كى تنجدنى
.
.
عندها تذكرت أنك يوماً لقبتنى بـ قمرك
بعدما اعترفت لك بأنك شمس حياتى

: و قانون الفلك يحتم
أن الشمس و القمر لا يلتقيان أبدا

فهل يا ترى دوّن الدهر تلك اللحظة
التى كتبنا فيها على أنفسنا الضياع و الغربة ؟؟
.
مازلت اسأل نفسى و أعنفها .... لماذا لم ألقبك يومها بـ نجم حياتى؟
فوفقاً لقوانين الفلك : تنام النجوم فى أحضان القمر حتى الصباح
.
.
.... يا حبيبى
نحن بحاجة إلى انقلاب فى قوانين المجرة كى نلتقى


Saturday, June 14, 2008

امرأة خائفة



هذا ما أهدتنى اياه الحياة

/
\
أن أحبك فى خوفٍ و ترقب
أن أنطق اسمك و أنا أتلفت حولى
أن تكون استجابتى لحبك بألف سؤالٍ ضال
لا يجد علامة استفهامٍ واحدة ... كى تنهى مأساته
أن أصرخ بحبك و بكرهك فى صمتٍ فاضح , ضجيجه يملأ الصفحات
أن أكتب لك ألف رسالة , و أجعل قراءتها مجانية لكل البشر سواك
و أمنع قدميك من تمشيط سطورها
أن يكون حبك فى صمتٍ مأساة كما هو حبك فى العلنِ
أن أبحث عن سبب لأكذّب كلماتك و أصدّق خوفى
أن أترك عيناك و أنا لا أعلم ... هل تبكى ألماً فراقى ؟
أم تشكر خوفى ,,,, ؟

Saturday, June 7, 2008

زنزانة



زى ما اكون كنت ف زنزانة
كنت تمّلى معاك قلقانة
و أما نسيت احساسى بحبك
حسيت انى بقيت انسانة

و عجبى

حتفضل ضحكتى عيدك


معاك الدنيا وخدانى
لفرح كبير بيملانى
و باكتب فى السما اسمك
الاقى الشمس حضنانى
***
طيور الحب صاحبتنى
حبيتــــها و حبتنــــى
عشان يوم ما ابتدى حبك
ملامح حزنى سامحتنى
***
و صالحت الحياة وياك
و حبتها عشان عشقاك
خلاص البسمة عرفتنى
و عشقتنى عشان عرفاك
***
حتفضل ضحكتى عيدك
ينام خدى على ايدك
نقول للحب مش بنخاف
أكيد حنعيش و حنعيدك
***
طردنا الليل و احزانه
قتلنا الخوف و سجّانه
حفرنا كتاب على الأشجار
و نظرة عشق عنوانه
***
عيونك هى مرسايا
و بحرك موجه جوايا
حعوز ايه تانى م الدنيا ؟
عليّا بس ده كفاية
***
حعيش رحالة فعيونك
و ححضن فى الهوى جنونك
بحبك فوق ما تتصور
و حبى حيبقى و يصونك




Friday, May 23, 2008

حوض الأسماك الملونة




قل لى عن ماذا تنقب بين كل تلك الكلمات ؟
هل تبحث عن حبٍ هارب
أم تبحث عن عمرٍ ضائع
أم تبحث فى كل امرأةٍ عن موت يعطيك حياة ؟
/
\
لا تزعم أنك نسيت الماضى بكل مافيه
مازالت جدران حياتك متعلقة بالكلمة متعطشة للمزيد من الآهات
مازلت تلهث فوق رمادٍ من كل أنثى إشتعلت لأجلك
مازلت تزهو بإنتصار رجولتك فوق أجساد الضحايا
كل الصفحات مذيلة بإمضاء قدميك
.
.
لايكفيك حب امرأةٍ واحدة
ولا تكفيك كلمة عشقٍ واحدة
عيناك تصرخ دائماً
هل من مزيد ؟؟
.

افرح بهم

و ارقص على انغام العشق فى الحروف

أما أنا فأستقيل باسمة

من حوض الأسماك الملونة
الذى حاولت جاهداً إسقاطى فيه بدعوى الحب
.
.
لأننى لست مثلهم
و لن أدعك ترقص فوق رمادى يا من كنت أحسبك "انــــا

كتر الجراح (رباعية)



كتر الجراح فى القلب بتقسّى
و الصرخة تدبحنا لكن ولا تنسّى
و عيونك الجارحة وعدتنى بالفرحة
شدتنى ... قمت نسيت انا نفسى


Monday, May 19, 2008

فحضن اديك



قبلك كنت خيال انسان
تلج و من جواه بركان
لكن بركان مش بيثور
كان النبض فى قلبه جبان
***
كان بيخاف م الحب و سيرته
و كمان كان بيخاف من حيرته
و آدى الليل اللى مخوّفنى
طال و فحبك ياما سهرته
***
و آدى هواك اللى مغلّبنى
مش سيباه ولا هو سايبنى
سلمتله و عشقت لأنه
ديّما بعيونك يغلبنى
***
و آدى اديّا فحضن اديك
و عنيّا بتحضن فعنيك
تايه جوة عيونك حبى
و الدنيا بتحسدنى عليك

أد ما بتبعد

بتبعد أد ما بتبعد
بنادى و الهوا يوعد
و أنا على وعده بستناك
تغيب و الهجر فيك يعند
*
و أقولك انى بحتاجلك
و كل ما فيّا يندهلك
تعود للقلب بعد سنين
بدمع عيونه بيقابلك
*
و مش قابل كمان عتبى
عليك مع انه من حبى
تدوس على قلبى و تزوّد
و حبك .. هو ده ذنبى
*
وعايشة لأنى بتمنى
أعيش فيك بس و اتهنى
لا قلبى فيوم عشق غيرك
ولا لغير بسمتك غنى

Friday, May 16, 2008

إلى ميت

(1)


.
لا أعرف لماذا كنت أصر على الإحتفاظ بجثتك
رغم خروج الروح منها
ما كنت أشعر انك ميت قبل اليوم
هل كان ذلك ما يعرف بـحماقة الحب ؟؟


.


.
أو ربما لأننى كنت أتناسى حادثة قتلك المريعة
حين احتضنتك و أنا أحمل فى يدى وردة ... و فى الأخرى خنجر
فطبع الخنجر قبلته على صدرك قبل أن تطبعها الوردة
اعذرنى ... فذاك ليس ذنبى
/
\
و إنما ذنب الخنجر
.
.

(2)


.
بسذاجة طفلة حائرة
.... كنت انتظر عودتك إلى الحياة من جديد
رغم أنك أخبرتنى أن الميت لا يعود
حين ماتت فراشتى و أغرقت الغرفة بدموعى و صراخى
لم أكترث لكلماتك وقتها
و تمتمت فى سرى : حتماً ستعود فراشتى
لكنى أيقنت الآن أنك كنت على حق
فما عادت فراشتى ولا عدت أنت


.


.


(3)


.
رائحة الموت بدأت تتطاير من جسدك
فتحت كل النوافذ و الأبواب
كى أطرد تلك الرائحة اللعينة
.

.

أيادٍ تقرع باب المنزل بقوة
و أنا اختبىء و أهرب ... لاأعرف من ماذا
صارخة فيك أن تعود و تحمينى منهم
لكنك فضلت ان تكمل صمتك و تتركنى


تماما كما كنت تفعل فى حياتك

.

(4)

.
!سألونى : من هذا ؟
فأجبت : حبيبى
قالوا : إنه ميت
قلت : حبيبى
قالوا : مجنونة أنتِ
فصرخت : حبيبى

.
لا أعرف لماذا أصروا على دفنك
!هل حقاً إكرام الميت دفنه كما قالوا ؟؟
لقد أخبرونى ان هناك عالم آخر
يمكننا أن نرى فيه الأموات
و أخبرونى أيضاً أن بإمكانى المجىء إلى قبرك متى شئت
لأضع وردة
هل هذا صحيحاً ؟
.

.


(5)

.
أصررت على أن لا يحفر قبرك غيرى
و أخذت أحارب طين الأرض
تارة بيدى و تارة بدموعى
و أنظر إلى جثتك بين الحين و الآخر
أعتقد بأننى كنت أبحث عن نفسٍ هارب
يستوطن رئتيك
لأردم تلك الحفرة اللعينة التى ستأخذك منى
حتى جائنى شيخ كبير
و ربت على كتفى بحنانٍ بالغ
و قالها
لن يعود يا ابنتى .... لن يعود

ادفنوه بأقصى سرعةٍ
هكذا صرخت و أنا أنهش الأرض تحتى
/
\
/
لن أعود لأزور قبرك و أضع وردة عليه
... تلك الوردة ستذكرنى دوماً بالخنجر