من غير خجل عرّى الجسد
عرّيه ولازم ترقصى
اتنفسى
و اتحركى من غير علل
خلى القيود فى سجن خجلك تتقتل
انا بعشقك .. على فطرتك
زى ما امك ولدتك
انتى انا ... و الحب حلل متعتى فيكى و حلل متعتك
انتى انا ... و الحب حلل متعتى فيكى و حلل متعتك
ماتصدنيش ... و ماتبعديش بينا المسافات عن كدة
يا عمرى مش عايز حواجز او قيود
يوم تحجبك عن حضنى ... لما أحضنك
و حتفضلى ف عينى الملاك .. و الطهر عنوان رقصتك
شايف ف جلدك سكتى
فكّى ضفايرك ... ضللى على خطوتى
فى طهر ارضك و اسمحيلى اعشقك
والعشق يعلى كل يوم
عن كل أنواع المبادئ والقيم
إبتدى
أو إسمحيلى ...أبدئك
حبينى بجنون
كسّرى كل القيود
الحب مجنون يا أنا ... و الجنون مالهوش حدود
لو لسه ناوية تفكرى
لو لسه ناوية تفكرى
سامحينى مش حقدر أكون
ليكى الوطن
طول ما انتى خايفة تقربى
طول ما انتى منى بتهربى
يبقى اهربى
و اتغربى
و اتنّدمى على حب كان .. لكنه مات قبل الأوان
ابكى على جثمانه لما أبتِعد .. و شيلى ذنبه للأبد
استنى -
استنى اياك تبتعد
انا ليك حكون و للأبد
من غير قيود و بفطرتى
رح أكون أنا
و لا عمرى حشعر بالخجل
طول ما أنت سترى وضلتى
/
/
و يمرشهر وبعده شهر
و البطل عمّال بيلعب لعبته
و جلدها يوم بعد يوم
يرخص ... ويفقد زهوته
/
ماغصبتكيش -
ماغصبتكيش -
فماتعيشيش دور الملاك
خليكى زيى .. وإعلنى إنك شيطان
والحب؟
الحب ده مخلوق برئ
وجرئ
وأطهر من ميلاده ورا البيبان
ما تلوثيش الحب ف علاقة ابتدت
علشان تموت
من بعد حضن وقبلتين
لو كل من هاود شيطانه فضل ملاك
يبقى انتى طاهرة و بجناحين
انتى اللى بعتى بالرخيص
انتى اللى بعتى بالرخيص
و حجتك .. انى اشتريت
انا بعترف انى ابتديت
ودخلت سوق المتعه شايل كلمتين
وحضن زايف ... وابتسامة
يعنى التمن
يعنى اشتريت
ما هو أصل ف تجارة السلع
اللى يلاقى شىء رخيص و ميشتريش
بيكون عبيط
وانتى عرضتى سلعتك
ع اللى ما كانش ف يوم عبيط
19 comments:
هى القصيده جامده جدا
واللى عجبنى جدا النهايه الصادمه..الموعظه القاسيه
تحياتى يا استاذه
ايه ده انا اول تعليق ..........اخيرا
تحفة على فكرة
ماشاء الله
دة وحش قوي
ومقنع جداً للأسف
وهيا ياعيني غلبانة :(
مبيقدروش
ينهار حلبسة
معلش
مع انه مبقاش ينفع معلش بس يمكن جرحها دة يخليها اقوى
طول ماهي لسة عايشة في أمل
أمل تتوب
أمل تبقى احسن
ومتنكسرش
ومتسلمش للناس اللي مبتقدرش
ينهار
روعة بجد
سلمت يداكِ
سلام عليكِ
مبروك يافنانة
جميلة قصدتك
أدام الله وترك العازف
شيماء:)
كلام له مغزي رائع بجد
حلو قوي مؤلم قوي
بجد مش هقدر اقول تعليق اكتر من كدة
مفكروش في يوم يكون الحب تاج ملوش بديل
قتلوه وكأنه وصمة عار مش قمة حياة
لوثوه بإيديهم ورجعوا يدمعوا ياريته ما كان
ازاي يكون الحب حجة موت مش يوم ميلاد
ازاي يكون عبيط وبس . محسهاش !!
ادتله كل شئ ,, علشان في يوم صدقته
يعنى نصدق مين !!
اللي كان في وم كداب ؟؟
مش عارفه اقولك ايه
بس بجد جميله ومش هايكفيها أي رد
قبل كل شئ هقول
وحشتنى عازفة اوتار قلبى
وحشتنى بكل المقاييس الحانها الجميلة
وحشتنى همساتها الرقيقة
ما اجملها من الحان
تعبر عن الالم
جميلة انتى
السلام عليكم
بكل أمانه القصيدةمثل الهدف لازم نحتوي علي اشياء كثيرة وقصيدتك مليئة بالأهداف
أتمني لك التوفيق ونشوف قصائد تاني جامده
لاسع أفندى
أشكرك على تواجدك الجميل
و شرف كبير ليا انك تكون اول تعليق
المدونة كلها نورت بيك
نعكوشتى
ألف شكر يا جميل على التعليق الثرى
و ياريت فعلا كل بنت تعرف انها غالية
و متفرطش ولا ترخص نفسها لمين ما كان
تسلمى يا حبيبة قلبى على وجودك الجميل
نورتينى
همسات دافئة
الله يبارك فيكى يا قمر
و عقبالك مركز اول ان شاء الله
نورتينى يا جميل
منتظرة وجودك ديما
كيارا
الف شكر يا قمر على تعليقك الرقيق
نورتينى يا جميل
تامر الحسينى
ألف شكر ليك وجودك و تعليقك
اتمنى يكون النص عجبك بجد
مدينة من النساء
انتى اللى جميلة و انا اللى فعلا مش لاقية رد
بس مهما كان الحب البنت لازم تعرف انها متفرطش فى نفسها ابداً سواء لإنسان كداب او صادق
لان قبل كل دول فى ربنا بيحاسبها على نفسها
نورتينى يا جميل و ياريت اشوفك تانى
smily rose
انتى كمان وحشانى و الله
بس ظروف الشغل مع كورس باخده مخلينى بلف حولين نفسى
وقتى بقى مضغوط جدا و متقسم على المذاكرة
انا عارفة انى فعلا قليلة الذوق معاكو
وكل فين و فين لما بتواجد
بس انا فعلا مش عارفة اعمل ايه فى وقتى ده
اتمنى تعذرينى و تسامحينى يا قمر
الهدف
ألف شكر ليك و يا رب اكون عند حسن ظنك ديما
نورتنى و اتمنى متكونش اخر زيارة
السلام عليكم
ربنا يديم عليكى نعمه الكتابه
الله ينور بجد
صقفه بقه كبيره خالص مالص
.
عجبتنى كتير
والموعظه ايه جت صادمه ما كنتش متوقعها والله
بس الله ينور كمان مره
تسلمى
مودتى :)
أقدم عاصمة فى الحب
ألف شكر ليك بجد على كلامك الرقيق اللى اسعدنى جدا جدااا
و يا رب اكون عند حسن ظنك ديما
و بعتذر عن تاخرى فى الرد
Post a Comment