أول مرة اعرف يعنى ايه الناجح يرفع ايده النهاردة
لما لقيت رساله من أحد المعيدين على الميل
بتقول ان النتيجة طلعت
و انا كنت عاملة فيها السبع اللى مش بيهمنى حاجة
جريت زى المجنونة على الشنطة بتاعتى
و طلعت المحفظة و انا قلبى بيدق بيدق بيدق
لما حسيت انه حينط برة القفص الصدرى اللى محبوس فيه بقاله سنين
فضلت ادور فى المحفظة لحد ما اخيرااا لقيت رقم الجلوس
اخدته و رحت على الكمبيوتر
فتحت موقع الكلية
وما استنيتش اعرف اذا كانت فعلا النتيجة طلعت ولا لأ
دخلت على قسم النتايج
حطيت رقم جلوسى و طلبت النتيجة
طلعلى ان مفيش بيانات محفوظه عندهم بالرقم ده
اوبسسسسسسسس
قلت فى نفسى : يا ليلة مش فايتة
انا كنت عارفة ان انا حفضل طول عمرى اسيرة الكلية الغريبة دى
لأ و كمان الكلية تخلت عن انتسابى ليها
يعنى بقيت فى الشارع و الحمد لله بعد سنين الشقا دى كلها
قلت : اعوذ بالله من الشيطان الرجيم
و فضلت اجرب ... بلا جدوى
لحد ما دخلت رقم جلوس غير رقمى
طلعتلى نتيجة طالب تانى
قلت دى الحكاية جد بقى و الكلية طلعت النتيجة و مش معترفة بيا
بس الحمد لله قلت اجرب مرة اخيرة و كتبت رقمى تانى
طلعتلى النتيجة و لقيت نفسى ناجحة نضيييف الحمد لله
و طبعا حسيت ساعتها يعنى ايه الناجح يرفع ايده
بس انا بصراحة رفعت ايدى .... و رجلى
!!!!!حد عنده مانع ؟
29 comments:
السلام عليكم ورحمة الله وبركاته
مبرووووووووووووووك
انا عاوز الحلاوه بلاش نصب ههههه
وادى قاعده لما نشوف حلاوتى هتطلع
ايه يااااا مسهل ههههههههه
فى رعايه الله
joker
الف مبرووووووووووووووك
والناجح يرفع ايده
تحياتى اللاسعه
مبروك يا جميل
فين الحاجه الحلوه بقي؟؟
كل سنه وانتي طيبه
بمناسبه شهر رمضان الكريم
يارب ديما فرحانه ومبسوطه
تحياتي
الف الف مبروك
الاسكندرانيه
دايما كده بيكونونوا اجدع ناس
وانجح ناس
مبارك عليكي يا قمررررررررررررررر
:D
يا رب يسعدك كمان و كمان و كمان و كمان و كماااااااان
و عقبال العرييييييس
:D
سلام عليكِ
مبروك يا قلبى الف مبرووك
والله كان نفسى افرح
يارب دايما بالنجاح
وعقبال فارس الاحلام
يارب اجمعين
ههههههههههههههههههههه
شباب اون لاين
الحلاوة جاية فى السكة بس كدة ؟
ده انت تؤمر
نورتنى يا جوكر باشا :)
لاسع افندى
الله يبارك فيييييك
و عقبال كل احبابك و كل صحابنا على البلوجر يا رب
تحيات السع من بتاعتك هههه
سمكة واحدة
الله يبارك فيكى يا حبيبتى
ربنا يخليكى
و رمضان سعيد علينا كلنا ان شاء الله
نورتينى يا قمرة
رومانسى
الله يبارك فيك
ده بس من ذوقك
نورتنى
نعكوشة
الله يبارك فيكى يا جميل
و عقبالك يا رب
انا معرفش اخر تطوراتك ايه لان بقالنا كتيييييييييير مش بنتكلم
و فوجئت كمان بموضوع مدونتك ده
لعله خير
تسلمى يا قمرة
smily rose
ربنا يخليكى يا جميل
و يبارك فيكى
انا اللى فرحت بتعليقك اوى يا حبيبة قلبى
نورتينى يا قمر
ألف مليون مبروك يا منه
وربنا يكتبلك الجاح والتوفيق دايما في حياتك العلميه والعمليه
وفين الحلاوه بقه ؟؟؟
الله يبارك فيك يا احمد
ميرسى اوى
الحلاوة ...
بس كدة انت تؤمر يا احمد باشا
قريب حنزل توبيك و فيه الحلاوة هههههه
السلام عليكم
الف الف مبروك
بس احنا مش هنتنازل عن حفله كبيرة
وطبعا هتعزمى كل الاسكندرنيه فيها
احنا مستنيين الميعاد والمكان
سلالالالالالالالالالالالالالالالالالام
الف الف الف مبرووووووووك ياقمر بجد حاسه بيكي بتحسي انك اخدتي نفسك
حدوتة
الله يبارك فيك يا رب
انت تنورنى و تنور اسكندرية كلها
كيارا
اه و الله هو بالظبط زى ما قلتى كدة
حاسة انى اخيرااا اخدت نفسى
مبروك النجاح
والى الامام داااائما
اتمنى لك كل التوفيق والتقدم
أرق تحياتي لك
وكل سنة وانت طيبة
جايه اقول تاااااااني
كل سنه وانتي طيبه عشان خلاص حبيبنا قرب خالص اهو فحبيت اقلك بمناسبه قدومه كل سنه وانت طيبه
ورمضان كريم
السلام عليكم ورحمة الله وبركاته
كل سنه وانتى طيبه
ورمضاااااااان كريم
فى رعايه الله
joker
شهرزاد
الله يبارك فيكى يا جميل
و كل سنة و المسلمين كلهم بخير يا رب
نورتينى يا قمر
سمكة واحدة
ميرسى جدا على التهنئة و التواجد الرقيق
المدونة نورت بوجودك
و كل سنة و كل المسلمسن فى خير
شيمو
و انتى طيبة يا جميل
و ينعاد عليكى بخير و فضل من رب العالمين
نورتى المدونة يا قمر
كل سنة و انتِ طيبة
مبروك يا عازفة الأوتار وأسف على تأخيرى فى المباركة
ويا رب من نجاح إلى نجاح كل يوم
على فكرة أنا ابن الورقاء
و انتى طيبة يا نعكوشة
نورتى يا جميل
ابن الورقاء
انا اسفة جدا لانى كنت مشغولة شوية
مشفتش تعليقك غير دلوقتى
انا فعلا دورت على مدونتك قبل كدة علشان اشكرك على تعليقك عندى بس ملقيتكش
ميرسى على وجودك
Post a Comment