مقاس الضحكة مش أدك
و تمثيلك مهوش متقن
عيونك رغم ضحكتها
ممنعتشى سيول الدمع عن خدك
... و لمعة نظرتك لسة
ّكما هى
بنفس القوة بتحارب ... تفاصيل فرحتك بيّا
/
مفيش غيرى قدر يدخل موانيكى
و لا غيرى فيوم يجروء يآمن خوف ملى عنيكى
... مفيش غيرى
حيقدر يملى جواكى
فراغ هجرى .... و حرمانك
و لو حتى سمحتيله يجرب غزو أحضانك
حتتراجعى ...
لأنى عارف انه مش بإمكانك
فتمثيلك ولا أثر فيوم فيّا
مفاتيحك ... حتفضل سر فإديّا
و تمثيلك مهوش متقن
عيونك رغم ضحكتها
ممنعتشى سيول الدمع عن خدك
... و لمعة نظرتك لسة
ّكما هى
بنفس القوة بتحارب ... تفاصيل فرحتك بيّا
/
مفيش غيرى قدر يدخل موانيكى
و لا غيرى فيوم يجروء يآمن خوف ملى عنيكى
... مفيش غيرى
حيقدر يملى جواكى
فراغ هجرى .... و حرمانك
و لو حتى سمحتيله يجرب غزو أحضانك
حتتراجعى ...
لأنى عارف انه مش بإمكانك
فتمثيلك ولا أثر فيوم فيّا
مفاتيحك ... حتفضل سر فإديّا
قلمـ/منه مرتجى
15 comments:
السلام عليكم
وحشتينى جددددددددددددددددا
وعيد سعيد عليكى يا
عازفة اوتار القلوب
كلام بجد جميل
وبيدى ثقه للمحب
عارفه المشكلة فعلا اننا لما بنحب بجد
وبيكون الطرف الاخر على يقين بالحب
دا بيكون متأكد اننا مهما حصل
ومهما حاولنا اننا نمثل النسيان
فحبهم جوانا عايش
بس دا شئ مؤلم بجد
ان انسان يعيش جو القلب وهو لا يستحقه
انا بلخبط صح
بس معلش المهم
انك وحشتينى
وكل سنة وانتى طيبة يا جميل
الله عليكى ده ايه الجمال ده كله
جميل انه يكون فى حب بين الطرفين
وكمان ثقه بين كل طرف
لكن الحب مفهوش عناد او تمثيل
الحب بيخلى كل طرف يحفظ اللى قدامه
يعرف ادق صفاته ومفاتيح قلبه منين
والا يكونوا مايستاهلوش بعض ربنا يدوم عليكى رقة قلبك والحب
وقلمك الحساس
وكل سنه وانتى طيبه
تحياتى
اوتارك مشدوده ...
و كلماتك انشوده
يتغني بيها الفاهم
ويساهم
بنبال حروفه يداهم
حصونك المسدوده
smilyrose
ميرسى اوى يا حبيبة قلبى
ربنا يخليكى يا قمر
عيد سعيد علينا كلنا و على كل المسلمين بإذن الله
و ميرسى بجد على تعليقك الجميل
هو مش ملخبط ولا حاجة
بس هما اللى ملخبطين و ملخبطين الناس معاهم :)
ربنا يوفقك ديما يا قمر
و يكرمك بالحب الصادق و القلب الحنون اللى ترتاحى معاه يا رب
منورانى
rony
انتى اللى كلامك اجمل و الله يا قمر
فعلا ده مش بيكون اسمه حب
هو شىء كدة يقرب للحب بس من بعيد
و الأعراض متشابهه حبتين
ربنا يبعد عننا النوع ده من الحب
و يزرقنا الثقة فى الإنسان اللى نحبه
دمتى بكل خير
رئيس التحرير
بحتار فى رد على ردودك المنمقة المترتبة دى
و شرف لحروفى ان كلماتك تصفها بالروعة دى
يا رب اكون استاهل بس :)
نورتنى و منتظراك ديما
والله كلام جميل ومعقول
سعدت بالمرور
مدونة رائعة
ميرسى ربنا يخليك
اتمنى متكونش اخر زيارة
نورتنى
السلام عليكم
كلام جميل من بنت بلدى
وكل سنة وانتى طيبة
سلالالالالالالالالالالالالالالالالالام
الله يسعد صباحك يا منة
وكل يوم كلامك بيزيد قوة ولمعان
وانا مبسوط جدا لمرورك على البوست
بصراحة يا منة كلام فوق الروعة وربنا يعطيكى القوة كى تسعدينا بكلماتك الجميلة
حدوتة
ألف شكر على المرور الجميل
و التعليق
نورتنى :)
ابن الورقاء
ألف شكر ليك على مرورك و تواجدك فى صفحتى
اتمنى اكون عند حسن ظنك
نورتنى
هو انا حسيت انك بترتبي غرور الرجل في كلمات
وبتبيني اد ايه هو متكبر
هل احساسي صحيح ؟؟
لو كان صحيحا فثقي أن الرجل ليس متكبرا بقدر انه طفل
تحياتي لابداعك
أحمد عاطف
أشكرك على مرورك و تعليقك
الرجل طفل كبير
و تلك حقيقة مؤكدة لا يختلف عليها عقلين ...
طفل بكل ما تحمله الطفولة من رقة و عذوبة و نقاء و جاذبية تسرق العقول ...
كما لا تخلو طفولته من العند و الشراسة و الكبرياء ..
و انا ان كنت هنا اشير الى كبرياءه
فانا لست ضد هذا الكبرياء ابدا ... فقط عندما لا يشعر به و يستخدمه الطفل الشرس داخله ...
نورتنى و اتمنى ان لا تكون اخر زيارة لك فى مدونتى
دمت بود و خير
Post a Comment