CLICK HERE FOR BLOGGER TEMPLATES AND MYSPACE LAYOUTS »

أنــــــا

My photo
انا اكتر من شخصية و كل ما فيّا بيحلم بيك

Monday, December 28, 2009

عيش لو لحظة مش مدفون


ليه عايش جواك مخطوف؟!

قلبك لسة ماليه الخوف

متغرب .... هربان من ايه ؟؟

و بتحلم انك تلاقيه ..!!

لساك بتفكر فعنيه ؟!

و فسرك بتنادى عليه

الماضى ماليك من جواك ....

مع انه فلحظة بينساك

ليه مش قادر يوم تنساه ؟

ليه بتحن لبكرة معاه ؟

فى ايه فـ ملامحه بيغريك ؟

قولّى فى ايه بينادى عليك ؟!

طب تيجى نحاول نرجعله ؟

صوت الماضى معاك ... إسمعله

كنت بتكره صوت انفاسك ...

لما خيانته تطول إخلاصك

خوفك كان غرقان فـ ظنونك

حتى خيالك ... كان بيخونك

كان العشق فقلبك تربة ...

رغم دفاها بتطرح غربة

فاكر لمّا الدمع عماك ؟!

عن حيرة بتكبر جواك ...

فاكر لما صحيت من حلمك ...

على صوت خطواته الهجراك ؟

صوتها بدأ يملاك بجنون ؟؟

انتفضت جواك الذكرى ؟

إرجع للحاضر و انساها

قبل ما تملى عليك الكون

إرجع .. و اتحرر مـ الماضى

عيش لو لحظة مش مدفون



قلمـ/ منه مرتجى

عازفة الأوتار

8 comments:

نعكشة said...

ياة يا بنتي
بقالك قرن مكتبتين

حلوة انه يفكر نفسه انه متعاملش كويس عشان ينسى


الفكرة انه يحاول يتعاملمع الموقف
وهوه هينسى وحدة

تسلم ايدك

سلامٌ عليكِ

Lady E said...

عجبتني بجد كلها على بعضيها

الفكرة والكلمات والوصف والاسلوب

بجد بجد تسلم ايديكي

رئيس التحرير said...

خايف أصحي يوم ولا أشوف
بشاشه وشك وأنا ملهوف
علي لحظه في عمري
أشوفك فيها
وانا مُش مكسوف
بعيون الدمع... ماليها
احزان و اشجان...
احلي ما فيها
انك في خيالي بتكون
وهم وماضي وحاضر ذكري
المهم انك بتكون
فوق العقل مُش مدفون

Nostor Azzuro said...

لازم كلنا نتحرر من الماضى

بس مين يقدر ؟؟؟؟


كلام رائع


happy new year

منه مرتجى - عازفة الأوتار said...

نعكشة

ميرسى يا قمر
انا فعلا بقالى فترة مش فايقة
و مش متابعة زى اول
بس اهو ادينى بحاول :)

نورتى يا جميل

منه مرتجى - عازفة الأوتار said...

lady
ميرسى يا جميل
و اجمل ما فى الكلمات مرورك عليها

نورتى يا قمر

منه مرتجى - عازفة الأوتار said...

رئيس التحرير

ألف الف شكر على ردودك المتميزة اللى بتسعدنى جداااااااا

نورتنى

منه مرتجى - عازفة الأوتار said...

nostor

فعلا
مع الوقت لازم نتحرر من الماضى طبعا


نورتنى