من حقك دلوقتى خلاص
تتعامل من غير إحساس
من حقك تستهون بيه
تجرح بتأنى و إخلاص
*
من حقك و ده شىء مشروع
علشان شفت فعينه دموع
إنك تقوى و تقسى عليه
أصله خلاص موجوع موجوع
من حقك و ده شىء مشروع
علشان شفت فعينه دموع
إنك تقوى و تقسى عليه
أصله خلاص موجوع موجوع
*
من حقك ... و ده حقه عليك
انه يحس بخوف فى عنيك
علشان يتعلم من غلطه
و ميبنيش أحلامه عليك
من حقك ... و ده حقه عليك
انه يحس بخوف فى عنيك
علشان يتعلم من غلطه
و ميبنيش أحلامه عليك
*
بكرة معاك ديما مجهول
و أوام تتغير على طول
غامض إحساسك مطموس
مش مضمون لو مهما يطول
بكرة معاك ديما مجهول
و أوام تتغير على طول
غامض إحساسك مطموس
مش مضمون لو مهما يطول
*
سهل نقول فى كلام و نعيد
لكن صعب الفعل أكيد
لو من جوة مفيش إحساس
عمر حروفنا فيوم ما تفيد
سهل نقول فى كلام و نعيد
لكن صعب الفعل أكيد
لو من جوة مفيش إحساس
عمر حروفنا فيوم ما تفيد
Hi5 Falling Stars 
2 comments:
ايه الغزارة الفنية اللى موجوده دى
شكل الوحى فاضى الايام دى وبيزورك كتير
القصيدة جميلة
بس ليا ملاحظه بسيطه
القصيده متقسمه اربعة اربعة
ليه كل 3 ابيات فى القصيده قافيه واحده وبيت واحد قافيه مختلفة؟
وكمان ده البيت التالت فى كل شطر
هل دى مقصدوده ولا صدفه
معاكى اعتقد انها مقصدوده لان مش معقول كل 4 ابيات يكون التالت فيهم هوا بس اللى مختلف
ميرسى يا عمور على ردك الجميل و تحليلك
متألق ديما و محلل رائع
و طبعا حكاية القافية دى مقصودة و انا بحب استعمل الوزن ده جدا علشان معظم كتابات صلاح جاهين بالوزن ده
الف شكر يا عمور و متحرمنيش من وجودك
Post a Comment