CLICK HERE FOR BLOGGER TEMPLATES AND MYSPACE LAYOUTS »

أنــــــا

My photo
انا اكتر من شخصية و كل ما فيّا بيحلم بيك

Saturday, April 25, 2009

مش حسمحلك



مش مسموح لعيونك ابدا
ترسم نبض الخوف جوايا
و لا مسموح للدقة تخونى
وتعزف لحن الموت وياك
ايوة زمان كنت بتبهرنى
صدق قناعك لحظة سحرنى
لكن لازم اقول لغرورك

مش حسمحلك يوم تكسرنى

***
مش مسموح للدمع يعاند
صبرى و يبكى فـ جوف الليل
ولا مسموح لوجودك فيّا
يجعل نبضى فقلبى عليل
حبك كان اجمل اسطورة
تهت و تاهت فيها سنينى
لكن لازم أقول لحكايتك

مش حمسحلك يوم تمحينى

44 comments:

blue-wave said...

جميل احساس القوة دا
تحياتى

Tshandny said...

حبك كان اجمل اسطورة
تهت و تاهت فيها سنينى
لكن لازم أقول لحكايتك

مش حمسحلك يوم تمحينى


الله الله الله
بحب القوة في كلامك
حمد لله على السلامة
ومش كانت دي النهاية
لأ
دي ان شاء الله البداية
تحياتي
ليكي

ahmed_k said...

تغيبي تغيبي
وتخرجي إلينا بما يبهر
وواضح من كلماتك القوه والعزيمه على أن يكون الحب طاقة بناء ونماء
لا أن يتحول لمعول هدم وفناء

جميله كلماتك وأحاسيسك كعادتك
دمتي بكل خير

king_somya said...

قلم جميل ينزف الأحاسيس الصادقة
تحياتى لقلمك ولأحساسك

نعكشة said...

حلوة قوي ماشاء الله

بالرغم إني شايفة إن الواحد من حقه يبكي عشان البكا بيطهر و عشان بيزيل

مينفعش اكبت في نفسي عشانه يعني

ممكن اعيط لوحدي شوية
عشان اتخلص من كل حاجة تربطني بيه

بس حلو قوي اللي كتبتيه

سلام عليكِ

رئيس التحرير said...

ولا هـ سمحلي أكون صوره منك
ولا هـ سمحلي أكون لك ديـل
كفاني أعيش في ظلك
أموت بقي بالليل!!
لما الشمس تغيب
أنادي عليك ...
ولا بترد ولا بتجيب
مش هـ سمحلي اكون صوره منك

weswes said...

رائعه بجد وجايه علىالوتر عندى جدا
تحياتى لي
:)

هيثم الغيتاوى said...
This comment has been removed by a blog administrator.
ميرام said...

مش مسموح لعيونك أبدا
ترسم نبض الخوف جوايا


عازفة الأوتار ..
استمري ...
عزفك بجد جميـــل
كل ودي

الفراشه الحائره said...

الله عليكى كم انتى بارعه و صادقه و عميقه الاحساس

الفراشه الحائره said...

كم انت صادقه في كلماتك عميقه في احساسك شعرات بكل كلمه كتبتيها

kochia said...

حلوة اوي
فيها قوة وعزيمة
وقرار

تحياتي

smilyrose said...

ماذا اقول لكى

وحشتنى مقطوعاتك السيمفونية

وحشتنى الحان كلماتك

المعزوفة على اوتار قلبى

وحشتنى بكل معانى الكلمة

وجميل تلك القوة فى نبرات الحانك

دمتى حبيبتى

عازفة الأوتار said...

ميرسى يا دكتور عمرو
ربنا يخليك
منور البوست
و اعذرنى على غيابى
شغل و مذاكرة بقى :)

نورتنى

عازفة الأوتار said...

tshandy
ميرسى اوى على كلامك الجميل
و ان شاء الله تكون البداية
ادعيلى بس وقتى يترتب شوية علشان اعرف ادخل زى زمان

نورتنى

عازفة الأوتار said...

ahmed_k
ميرسى يا احمد ربنا يخليك
الأجمل من كلماتى هو وجودكم هنا
بالرغم انى عارفة انى مقصرة معاكم كلكم و الله


نورتنى

عازفة الأوتار said...

king_somya
ألف شكر على وجودك هنا
و ميرسى لتعليقك الرقيق
نورت المدونة كلها و اتمنى اشوفك تانى بإذن الله

نورتنى

عازفة الأوتار said...

نعكشة

نورتينى يا قمر
و فعلا مينفعش نكبت كتير فى نفسنا
بس على الأقل نحاول منخليش حياتنا كلها بكا
و نحاول نقاومه على أد ما نقدر

تحياتى يا جميل

عازفة الأوتار said...

رئيس التحرير
جميل كلامك
و بشكرك على التواصل الرائع
و عندك حق فى كل كلمة قلتها

عازفة الأوتار said...

weswes
ربنا يخليكى يا جميل
و يارب تكون جاية على الوتر بشكل ايجابى
يعنى تكونى بتتصرفى بنفس الاسلوب و رافضة الخوف و الحزن

نورتينى يا جميل

عازفة الأوتار said...

ميرام

ميرسى يا جميل
نورتينى و نورتى المدونة كلها
و يا رب متكونش اخر زيارة
و انتظرينى عندك

عازفة الأوتار said...

الفراشة الحائرة
ألف شكر ليكى يا حبيبتى
و اتمنى اكون عند حسن ظنك ديما

و تنورينى كدة

عازفة الأوتار said...

kochia
ميرسى يا جميل
ربنا يزيدنا قوة و يثبتنا يا رب

نورتينى يا قمر
و وحشتينى

عازفة الأوتار said...

smily rose

بشكرك يا حبيبة قلبى على وجودك الجميل ديما
و انتى كمان وحشتينى جدا و وحشتنى رقتك و جمال كتاباتك
مش عارفة الدنيا ملخبطة معايا بقالها مدة
و كل ما احاول اتفرغ و ارجع اتابع المدونات الجميلة اللى بتأثر فيا
يحصل حلجة تلخبط الوقت عندى

دعوااااتك يا قمر

كيــــــــــــارا said...

مش حمسحلك يوم تمحينى

*********

جاااااااااامده اثبتي علي كدا

حـــــدوتـــــة said...

السلام عليكم

بنت بلدى اخبارك ايه
كلمات جميلة ومعبرة
بدون مبالغة

سلالالالالالالالالالالالالالالالالالالالالالام

Little Lady said...

جميله جدا
كالعاده طبعا
ههههههههههههههه

تسلم ايديكي

عازفة الأوتار said...

كيارا
ميرسى يا قمر
ربنا يثبتنا :)
نورتينى يا جميل

عازفة الأوتار said...

حدوتة

انا تمام الحمد لله بس عندى امتحاناااات قرفانى فى عيشتى
دعواااتك


و ميرسى على مرورك و تعليقك الجميل

نورتنى و يا رب تكون بخير

عازفة الأوتار said...

little lady

وحشانى يا قمر
عاملة ايه

ميرسى على تعليقك و وجودك فى حد ذاته شىء بيسعدنى جدااا
نورتينى يا حبيبتى

هيثــم رمضـــان said...

كلماتك فعلاً كأنها أنغام معزوفه علي الاوتار كلها موسيقي جميلة.

momken said...

حلوة اوى الاغنيه دى

حاسك مسيطره على الموقف
وعندك اصرار نابع من عزة نفس وكرامه وكبرياء


جميل اوى

ومتشكر انك سمحتيلى اعلق

تحياتى

امرأة لاجئة said...

صح يا منة
كلامك غالي اوى
مش هسمحلك يوم تكسرني
وانت عارفة يا منمن أحنا جامدين اوى اوى .. ومهما ايه حصل مش بننكسر ولو انطوينا شوية بنرجع أشد من اى وقت فات
تقدري تسميني وتد جامد يا معلم
تسلم ايدك يا عسل

سمسمة

ابن الــــــورقاء said...

والله انا رأيى ان حرام عليكى كثرة الدموع اللى بترسميها جوانا
فعلا كلامك نابع من عيون صدق وتجرى فيها الكبرياء ليداوى الجراح
ربنا يوفقك يا عازفة انا ايضا أكتب اشعار لكن مش زيك برضو

لاسع افندى said...

كلام جميل جدا
ومعانى جديده




تقبلوا تحياتى ومرورى

Little Lady said...

وانتي كمان وحشاني :)
ومرسي علي ذوقك يا قمر
وانا الاسعد بوجودي في بلوجك
:D

عازفة الأوتار said...

هيثم رمضان

ألف شكر على مرورك و تعليقك الرقيق

دمت بكل ود و خير يا رب

عازفة الأوتار said...

momken
انت منور المدونة و البوست بتواجدك
و انا اللى بشكرك على وجودك الجميل

دمت بكل ود و خير

عازفة الأوتار said...

امرأة لاجئة
ياسمينتى العزيزة

ايوة يا بنتى احنا جامدين اوى
و قشطات علينا
و الله اكبر فوق كيد المعتدى

و سمعنى سلام اهلا بالمعارك ههههههه

نورتينى يا قطتى و نورتى المدونة يا باشا

عازفة الأوتار said...

ابن الورقاء

ألف شكر ليك و لتواجدك الرقيق
و اتمنى اشوف كتاباتك
ياريت تحددلى انهى مدونة فى مدوناتك بتنزل فيهم كتاباتك

انا دخلت مدنة ابن الورقاء و لقيت فيها كلام عن البهائية
و نظرا لاختلافى الشديد مع المذهب ده فضلت انى ما اردش
و بعيد عن المعتقد الدينى اتمنى اشوف كتاباتك


نورتنى

عازفة الأوتار said...

لاسع افندى

نورت المدونة و نورت البوست المتواضع


على فكرة ... المدونة ترحب باللاسعين
لانى تقريبا يمكن اكون اكتر انسانة لاسعة فى الدنيا بس عاملة عاقلة ههههههه

عازفة الأوتار said...

little lady
ربنا يخليكى يا جميل
منورانى ديما يا اجمل ليدى
موووووا

احمد طه said...

عازفة الأوتار

كيفما كتبت


تبقى كلماتك دليلا على إبداعك الذى يتميز بفنٍ خاص

---

ابن الــــــورقاء said...

اشكرك يا عازفة الاوتار على عدم تعصبك تجاه دينى
واشكرك لتفهمك ان المدونات الفنية ليست مكانا لتصفية الحسابات بين تابعي الاديان
وعلى العموم ده الرابط الذى يقودك لمدونتى المتواضعة جدا بجانب مدونتك العظيمة
http://classic-man15.blogspot.com/
واعتذر لتأخير الرد