النص من جزئين
هو دويتو كان ليا الشرف بالمشاركة فيه
و اسمحوا لى بعرض الجزء الأول اللى كان عن لسانى
زى النهاردة فكل عام
انا كنت بحضن شمعتك
همسة ضلوعى تقولّها : مستنياكى فكل عام
تنوريلى دنيتى بنور خطاكى ف سكته
تكّبريه و تكبّرى .. فرحة عنيّا بضكته
كانت بريئة و صدقت
أحلامى زيّى و سمعتك
مشيت و طالت سكتك
و الشمعة فجأة اتحولت
لديب بياكل فرحتى
عيونه زيّك طيبة
و حنيّنة
نفس القناع اللى مسح يوم دمعتى
.
زى النهاردة .. بعترف
كان احتفالى بشمعتك
هو احتفالى بدفنتى
خطاوى موت .. زرعها قلبى ف سكتى
وانا النهاردة ... جايّة بردو أحتفل
جايّة و بفتح خطوتى
بس قلبى بيتقّفل
جاية أقولك
كل عام و الغدر فيك عايش بخير
كل عام تعيشه ميّت
ويّا قلبك الضرير
جاية أهنّى
و بطريقتى ... ليك حغنى
.. بس حاسب
صوت غنايا ... لحنه نار
قوة الحب اللى جارحه
فجرّت بركان دمار
جاىّ يكسر شمعتك
جاىّ يقتل فرحتك
البراءة اللى فعنيّا اتعلمت كل الذنوب
...سكينة الغدر اللى فيّا غرستها
لازم تدوق من جرحها علشان تتوب
/
\
كل ده انا كنت بحلم اعمله
فيلم موتك.. كنت بحلم اكمله
معرفش مين غيّر نهايته و شدنى
على صورة ليك
لقتنى بحضنها اوى و ببوس عنيك
كانى بحضن شىء بيكبر حبه فيّا
معرفش ليه رغم الألم
جريّت أوام عليك عنيّا
عشان تقولك : كل عام و الحب ليك
و الجرح ليّا
21 comments:
الله كل عام والحب ليك والجرح ليا
بقى يقدر بعد كل المشاعر دى يقدر يجرحك
حتى لو كان فى يوم مضايقك شوفى مضايق ليه مشاعر الحب مش بتنتهى ابدا طالما فيه حب متبادل
كل عام والحب ليك والجرح ليا
بجد كلماتك بتفكرني بالبوست الاخير لية
انا عاشقتك
عارفة كانت في النهاية بتقول ايه
سيلومني كل من يقراء كلماتي الان اليك
وارد أنا عاشقتك
حتي وان قتلتني يديك
الجميل اني حاسس في اعمالك الاخيرة انك اجرحتي وخلاص بتداوي نفسك وتنسي الماضي وبتبدئي من جديد
وده اجمل ما في الانسان انه يبقي قوي وقادر علي امتلاك حياته
تحياتي ليكي
وسعيد باخر بوستين بعد فترة التوقف الطويلة دي
تحياتي لاجمل عازفة علي
اوتار المشاعر الانسانية
تامر الحسيني
انسان عاشق حر
جريّت أوام عليك عنيّا
عشان تقولك : كل عام و الحب ليك
و الجرح ليّا
**********..
ياه كان احساسك عالي اوي كدا عشان تطلعيها بالابداع دا
احييكى
يبدو أن الأوتار توترت
وثرثرت
وعادت وفكرت
ثم فكرت
وقررت
....
....
قرار سليم
حلم قديم
بيتحقق
وتفضل منوره شمعتي
ولا تنزل دمعتي علي خدودي
ولا يمكن أنسي يوم حدودي
تهنئه على البوست الرائع ده
تحياتي ليكي عازفة الاوتار على البوست المتميز
بالتوفيق
محمــد
طريق النجاح
إنها ليس مجرد كلمات بل أنغام عزفتيها علي أوتارك لتلامس القلوب المحبة والنهاية الرائعة فالحب هو الحب من الصعب أن يتحول لكراهية فالقلب الذي أحب بصدق هو قلب رقيق محب صافي فكيف له أن يكره ويحقد. جميل ما خطه قلمك. تقبلي مروري
و الشمعة فجأة اتحولت
لديب بياكل فرحتى
هو كده
ممكن اللى بيحب يحاول ينتقم لنفسه
بس مبيقدرش
صورت حالة وابدعت فى تصوريها
تقبل مرورى
وحشتينى برغم كل الامى قلبى
اللى عشتها مع كلماتك
وجرحى اللى عايش معايا ما تبقى
من عمرى وان كان قليل
غبت فعدت ابحث
عن عازفة اوتار قلبى
من لمست باوتار الحانها الامى
اين انتى قد غبت كثيرا
ولكننى عدت ابحث عن من
يحبهم قلبى الضعيف
اوحشتنى الحانك
واوحشتنى كلماتك
وردشان
روح الحب الصادق
lfe;fllfml
رومانسى
ألف شكر ليك على كلامك الرقيق
تواجدك اسعدنى
و اعتذر عن التأخر الدائم بسبب ضيق الوقت الذى أصبح صديقى الصدوق :)
لك كل تقديرى و احترامى
تامر الحسينى
طبعا انت عارف ان تعليقاتك مصدر سعادة ليا و لنصوصى
اشكرك على التحليل الجميل للنص
و أهنىء نفسى بوجود زائر و صديق و أخ مثلك
دمت بكل الود و الخير
و بعتذر بردو عن التأخر فى الرد :)
كيـــــارا
ألف شكر يا حبيبة قلبى
نورتى المدونة و اسفة على التأخر فى الرد
دمتى بكل حب و خير
رئيس التحرير
بشكرك من كل قلبى على تعليقك اللى
عجبنى جدا جدا
كل احترامى لك و لوجودك اراقى
دمت بكل خير
لاسع أفندى
انا اللى بشكرك على تواجدك هنا
دمت بكل خير
حلم بيعافر
ألف شكر على تواجدك و تعليقك
فعلا محدش بيقدر بنتقم من حبيبه
دمت بكل خير و ود
محمد البنا
ألف شكر ليك اخى العزيز
تواجدك يثرى مدونتى
كل تقديرى و احترامى
هيثم رمضان
أشكرك على كلامك الجميل
دمت بكل الخير يا رب
smily rose
الف شكر ليكى يا حبيبتى
انتى و الله كمان وحشتينى اوى
بس بجد وقتى مش ملكى خالص و تواجدى على النت قليل جدا
دمتى بكل الخير و الحب
و بعتذر ليكى و لكل الناس الجمسلة اللى بتأخر عليهم يما
انا فى نص هدومى منكو و الله
بس غصب عنى
Post a Comment