دفنت صورتك و ابتديت ابكى
حرمانى منك للدموع يشكى
الكون مسافر بس انا واقفة
الحزن سكتّنى لما ابتدى يحكى
***
علشان عنيك عاشت جوايا احزانى
و دبت أنا فحزنك ... رغم انه بكانى
نسيت معاك الناس و الغربة و الأوطان
و لقيت فى حضنك بيت نسّانى عنوانى
***
بس الحياة سرقت حضنك و سرقتنى
و ندهت .. بس يدوب احزانى سمعتنى
ليه التراب يخدك و انا اولى بوجودك
ليه الفراق يبعد قلبك و يبعدنى
***
مش عايشة من غيرك ولا حاسّة بالدنيا
و بعّد دقاتى فى الساعة بالثانية
مش عارفة ليه عايشة و حياتى ليه باقية
لما انت مش جنبى و رحت لحياة تانية
***
انا ميّتة زيّك ... عايشة حلاوة روح
فيّا الحياة جارحة ، فيها الأمل مجروح
قلبى اندفن جنبك ... مبكيتش لحظة عليه
بكايا على غيرك أصبح مهوش مسموح
عازفة الأوتار
( ورود و أشواك )
Hi5 Falling Stars 
87 comments:
اول تعليق
اكيد انا اول تعليق
عازفه الاوتار انتى متعرفيش انا بعانى اد ايه علشان اكتب الكومنت ده
الجهاز و النت مطلعين عينيى
بس انا برضه حكتب كومنت
انا عجبتنى اوى كتابتك بالعاميه
حاسس انها بتدخل القلوب اسهل و اسرع
و عجبتنى اوى جمله
بكايا على غيرك اصبح مهوش مسموح
هو لسه فى اخلاص فى الدنيا بالمنظر ده
انا معتقدش انه فيه
تحياتى
--------------------
كان معكى من امام الكيبورد
واحد مخه لاسع شويه
شبــ اون لاين ـاب
الاسكندريه
--------------------------
مش عارفة اعمل ايه
وحشنى بعدك
والوحدة قاسية من غيرك
حبيبى ليه بعدت عنى
ليه الزمن فرقنا
الموت كان قاسى قوى علينا
ليه نبعد ليه مش جمعنا زى ما فرقنا
ليه يا زمن تبعد قلوبنا ليه
ليه الوحدة فى زمن قاسى عايش
وكانى مش عايش بستنى يوم
بالحبيب اتلاقى
بستنى لحظة لقى فى عالم بعيد
عالم مفيش قاسية فيه
حبيبتى الغالية
عازفة الأوتار يامن تعزف على اوتار
قلوب العاشقين
ابدعتى يا حبيبة عمرى
smilyrose
روح الحب الصادق
عينى عليك ياولد ياللى بتعشق موت
والماضى مره كاسات فيها العزاب مخلوط
كان ليك حبيب ياولا مايفرقوش الموت
راح الحبيب ياولا والذكرى لم بتموت
..............................
ابكى الدموع ياوتر لاتحبس الدمعه
ماتلى حبيب كان قمر وانا كنت ليه عاشقة
حضنه غرام دنيتى لو فالتراب هيكون
هدفن سنين وحدتى واصرخ عليه صرخة
.......................
تحياتى لرجوعك لارض الوطن ....وحضن تراب الحبيب اجمل مافى الوجود....الحانك بتشدنى دايما وبتعزفى على اصعب وتر بيمسنى ...وتر الفراق...تحياتى ليكى وامنياتى الغاليه ليكى بالسعادة والهنا رغم كل الحزن لازم نتولد ...ضحكاية مهما بكينا او عمرنا يتفقد لازم نداوى الحزن بالكلمة والالحان
البحار
تصريح صريح
وكلام فصيح
أحلي ما فيه الصدق.
لكن بالله عليكي
هل هذه الكلمات عزف الأوتار؟
ام هي كلمات عازفه الأوتار؟
كل التقدير لكلماتك الصادقه
مع اطيب امنياتي.
ياااااااااااااة
كلمات فى منتهى الصدق والإخلاص
لحبيب لم يختر الفراق
تحياتى لكى رغم انى لم تكن تنقصنى الالآم.
بس الحياة سرقت حضنك و سرقتنى
و ندهت .. بس يدوب احزانى سمعتنى
ليه التراب يخدك و انا اولى بوجودك
ليه الفراق يبعد قلبك و يبعدنى
الله
....
بجد عيشتيني الحالة
وكأني قاعدة أسمع مش بقرأ
بانتظار جديدك
كل ودي
بوست جميل فعلا
حزين اوي
بس حلو برضه
تسلم ايدك
السلام عليكم
انا ميّتة زيّك ... عايشة حلاوة روح
فيّا الحياة جارحة ، فيها الأمل مجروح
قلبى اندفن جنبك ... مبكيتش لحظة عليه
بكايا على غيرك أصبح مهوش مسموح
كلمات فى منتهى الروعة
بجد بوست حلو اوى اوى
الله ينور يا بنت بلدى
سلالالالالالالالالالالالالالالالالالالالالالالالالالالالالالالالام
الله
بجد كلامك جميل جدا
الفكرة والاسلوب والاوزان كله جميل ما شاء الله
حسيت ان في موسيقي نابعة من الوزن وموسيقي أخري نابعة من المعني
بعد الخاطرة السابقة أثبتي انك بارعه في الفصحي والعامية كمان بنفس الدرجة
بالتوفيق دايما في القادم
تحياتي
الكون مسافر بس انا واقفة
الحزن سكتّنى لما ابتدى يحكى
للدرجه دي بنكون أموات في البعد والفراق
العمر بيجري واحنا واقفين في لحظة موت مش بتنتهي
للدرجه دي النار بتتجمد من دمعه بعاد
مهما كان اللي فينا ,,أكيد في أكتر
اكيد الحزن لوحده سلطان أحزان
***
و دبت أنا فحزنك ... رغم انه بكانى
جواه بتكون الحياة مهما كان لونها
فرحان أو زعلان
بيكون همنا أن ايدينا تلمسه والأفراح تكبرها والأحزان تطيبها
بندوب وندفا من غير غطا
علشان غطانا الحقيقي ودفاه
جوا في قلوبنا
***
بس الحياة سرقت حضنك و سرقتنى
أكيد مش بتحس إنها بتاخد مع كل روح أرواح تانيه
بتاخد وتبلع جواها ومش عارفه أنها بتاخد وبتجوعنا
بتاخد من غير ماتشوف راح فين جلدنا
مش بس جسم وحضن كان بيضمنا
بتاخد وفاكره اننا هانلقانا من تاني
بس ازاى وهي خنقت كل نبضنا
***
مش عايشة من غيرك ولا حاسّة بالدنيا
وازاى هانعيش بعد ماكان الروح
ازاى هانطيب وفراقه كله جروح
***
قلبى اندفن جنبك ... مبكيتش لحظة عليه
بكايا على غيرك أصبح مهوش مسموح
أد إيييييييييييه هو أقرب مننا لينا
وأد إيه هو مالينا
وأد إيه القلب من غير نبضه موت
وأد إيه النبض من غير قلبه كاوينا
**
مهما كانت بتروي قبره دموع
ومهما قلنا يا عمر امشي علشان من غيره مش عايشين
ومهما كان الحزن قاتلنا والبرد مجمدنا
مش لازم ننسى
إنا لله وإنا إليه راجعون
لا فعلا ملكيش حل
انتي تنزلي ديوان على ضمانتي
وانا اول مين يشتريه
صعب قوي اقرى لحد يعيشني الحاله زيك كده
في حزن كلامك وفرحه
احلى كلمه عجبتني
بكايا على غيرك أصبح مهوش مسموح
فيها قمة الاخلاص
تحياتي يا جميله
عزيزتي الغالية عازفة الاوتار
يبدوا فعلا ان الموت ياخذ كل عزيز وغالي ليتركنا في عالم من الوحدة والشقاء والالم
يا احبائي لماذا ترحلون
بين ثنايا الارض القاتمة
احرق الحزن فوادي والشجون
ايقظت كل الجراح النائمة
تحياتي لاحساسك الجميل
واتمني ان محدش يتحرم ابدا من حبيب
لان بجد الفراق صعب قوي
الفراق ده نار
والبعاد ده نار
على رأي عمرو دياب
حلوة القصيدة
تحياتي لك
حلوة القصيدة
تحياتي لك
عازفة الأوتار
مروري جاء بالصدفة، لكني سعيدة أنه حدث، لأني أعجبت جدا بما قرأت.. هذا ما يطلق عليه الحزن النبيل.. كلمات بسيطة لكن صاقة ومعبرة.
والإحساس الذي نما بداخلي أثناء القراءة أن القصيدة مكتوبة من ابنة تبكي أمام قبر أمها.
تمنياتي لك بالتوفيق، وزيارتك لي - إن أمكن - بالتأكيد ستسعدني
عازفة الاوتار
كلماتك تمس كل القلوب
كلمات بسيطة سيطرت على قلب امتلكة الجراح
تسلم اديكى
كل التقدير والاحترام
اسير الجراح
السلام عليكم..
وصلتني أحاسيس صادقه...
شكرا لذلك..
دمتي بخير
أعتقد يا عازفة الأوتار ان رباعياتك أفضل مما هو مكتوب هنا, هذا رأى
أو ربما حضرت انا فى وقت خفت فيه تألقك قليلا
تحــياتى
أكثر من رائع
اسلوب مميز واحساس عالي جدا
تحياتي
السلام عليكم ..
بجد أشعارك جميلة
وكلماتك معرة
استمرى نريد أن نرى أكثر
تحياتى ...
عمار صبرى .
شباب أون لاين
واحد مخه لاسع
بجد فرحت جدا بتعليقك
و انك كتبت التعليق رغم ان النت عندك مش مظبوط و الكمبيوتر مغلبك
بجد ده شرف ليا
و سعيدة جدا جدا ان كلماتى بتعجبك
و يا رب اكون عند حسن ظنك ديما
بالنسبة للإخلاص
فأعتقد ممكن
بس لما يكون الحب جنون
بس السؤال هنا
هل فى حد يستاهل اننا نخلصله ؟
ألف شكرعلى تواجدك الجميل و متحرمنيش منه
smily rose
أشكرك من كل قلبى غاليتى على كلماتك الرقيقة و احساسك النقى
و أهنىء نفسى على وجود روحا طاهرة كروحك تزور كلماتى المتواضعة
كل احترامى و تقديرى غاليتى
دمت بكل ود و حب
البحار
حزنى عليه و البكا بالضعف قوانى
و غياب عنيه هدنى و إنهارله بنيانى
صوته ما زال عايش جوايا بيغنى
كل اما افوق بسمعه و يهز وجدانى
حبيبى كان انسان ولا عمره كان غدار
حبيبى لما اندفن قادت فى قلبى النار
قالوا عليه عايش و انا قلت مش هوة
حبيبى يوم ما انقتل فيا انقتل بقرار
ملقتش فى عيونه ولا حاجة تشبهله
شايفاه لكن عاجز قلبى انه يندهله
قررت انا موته و الحب غاب صوته
و القلب اتيتم و اتبرى من اهله
*****
مبقيتش بعرف ارد عليك غير برباعيات
نورتنى و اتمنى اشوفك ديما
رئيس التحرير
أشكرك من كل قلبى على وجودك
و كلماتى ما هى إلا نزف اوتار ممزقة
تصبح جميلة لوجودكم على صفحاتها
أشكرك سيدى و اترقب وجودك دوما
دكتور عمرو
هناك حبيبا لا يختار الفراق و لكنه احيانا يختار الموت
أشكرك و انتظر وجودك دوما
في فلسفة حياة دائما ما يشكو الفلاسفة و المفكرون من اوجاع الحب
و الظاهر انه لا يخلو منها انسان
تحياتي
انا ميّتة زيّك ... عايشة حلاوة روح
فيّا الحياة جارحة ، فيها الأمل مجروح
قلبى اندفن جنبك ... مبكيتش لحظة عليه
بكايا على غيرك أصبح مهوش مسموح
كلمات حلوة اوووووووى واسلوبك بجد تحفة بس كلامك بيوجع اكتر جيتى على الجرح.
تحياتى
باربى
عازفة الاوتار الرقيقة
لا أفضل التعبير بالعامية ولا أجيده
ولكني أعتقد أنك تجيدين التعبير بها بكل قوة
.
.
كم تذوقنا طعم الموت ونحن أحياء
قد يختلف الموقف ولكن الموت واحد
تحياتي لقلمك المبدع
وأعتذر عن غيابي وتأخري
كل الحب والود
يااااااااااااااه بجد كلماتك صعبة اوي بس محسوسه اوووووووووي
ما أصعب فقد الأحبه
فالروح بفقدهم تفقد أغلى أمانيها
ولكنها سنة الحياه
فالكل راحل وتارك خلفه إما حبيب أو قريب
فلابد لمركب الحياة أن تسير حتى نلتقي يوما بمن فقدنا من أحبه.
جميله ومبدعه دوما كعادتك يا منه
بس ياريت تغيري الخلفيه السوده لمدونتك اللي بتخلي قرائة إبداعاتك يتم بواسطة تظليلها سطر سطر
وكمان يا منه صفحة التعليقات لو جعلتيها صفحة منفصله يكون أفضل فمثل تلك الصفحات المنبثقه بتمتاز بالبطئ وعدم السهوله
وبخلاف ذلك مدونتك كما عهدناها دوما رائعه
تقبلي خالص تحياتي
ومتبقيش تغيبي عننا كتير تاني
هو مات يعني
ولا حب غيرها
اصله لو مات فعلا يبقه اللى هي بتقوله مش كفاية علي حالتها
لكن لو حب غيرها
ده يبقه اللى بتقوله ده مينفعش
لانها لازم وقتها تعمل حرب
ولازم يتقتل في الحرب دي
كلمات بسيططة وسلسة وخفيفة
تسلمي
واشكرك علي تعليقك الرائع والاكثر من رائع عندي
بجد جزاكي الله خير
واثابك
اسلوبك كويس جدا
فكرتيني بابن الرومي لما كان بيرثي ابنه
بس الفرق انه كان بالفصحي
و برغم اختلاف الاعتبارات في الرثاء
الاحساس واحد
بجد ابدعتي
تحياتي
محمد
ميرام
ميرسى يا قمر على وجودك و تعليقك الجميل ده
انتى كمان كلامك رائع
و سعيدة جدا ان بوجودك هنا انا قدرت اشوف مدونتك الرقيقة
دمتى بكل ود و حب
little lady
ألف شكر يا قمر
نورتينى بوجودك الجميل ده
مستنياكى ديما
كل حبى
حدوتة
ميرشى على وجودك و تعليقك اللى اسعدنى جدا
و اتمنى اكون عند حسن ظنك ديما
كا ودى
فارس بلا جواد
طبعا انت عارف انا بكون سعيدة اد ايه لما بلاقى ليك تعليق عندى
بشكرك على كلامك الجميل ده
ده من ذوقك بس و احساسك الرقيق اللى بيشوف كل حاجة حلوة
نورتنى يا فارس و انتظرك دائما
اميرة الحروف وعازفة الكلمات..
مازال حرفك هائما بين سماوات الابداع
يحلق منفردا برقته المتادة ليخطف الابصار والاسماع
ويسلبنا عقولنا ولو لدقائق
منة الله
ابدعتي فيما خطه قلمك
واعذرينى لغيابى ولكنى دوما على ميعاد مع ابداعك المستمر
احترامي وانحنائى
احمد سيف
مدينة من النساء
بجد مش عارفة اقولك ايه على التحليل و التعليق التفصيلى الجميل ده
شىء جميل جدا انك تكتب حاجة و حد يهتم بيها بالشكل الجميل اللى انتى علقتى بيه
سعيدة جدا بوجودك و بتمنى اشوفك ديما
حزينه كالعاده ورقيقه كالعاده
يابنتي سيبك شويه من مود الشجن واديها حاجه لسعد الصغير
كلماتك رومانسيه وتحتاج لوقفه مه انا خايف كل الرومانسيين بيتعقدوا اساليني انا
بهزر
شكرا لك
بخاف قوي من فراق الأهل و الحباب
بخاف لو حبيت حد يروح مني
بتمنى اموت دايماً قبل ما يموت اي حد بحبه
هيييييييييه
سبحان الله
بس الحياة بتدور بردو
وكلها ست شهور و تق احزانها
هتقوليلي لية ست شهور
احنا درسناها كدة
بعد ست شهور بيبقى حزن مرضي وازم تتعاج
هتفضل حزينة بس هتبددأ تتعايش
عامتاً
ربنا ما يحرمنا من الي بنحبهم
آمين
كل سنة وانتي طيبة يا قمر
عيد سعيد
سلام عليكِ
الرائعون .. كأحجار كريمة
لا نصنعهم
لكن نبحث عنهم
لنهنئهم
قد لا أكون أول المهنئين ,, لكني حتماً ..
أول الباحثين عنهم ..
عيد سعيد
لماضة
مع انى مش شايفة لماضة خالص ههههه انا شايفة واحدة زى العسل
ميرسى يا جميل ربنا يخليكى
بجد تعليقاتك بتشجعنى كتير و بتفرحنى جدا
و يا رب كدة اى حاجة انزلها تعجبك
نورتينى بجد يا قمر
و مستنياكى ديما
تامر الحسينى
صديقى العزيز
أشكرك على تواجدك و ردك فهو فى حد ذاته فرحة كبيرة تدخل قلبى و شرف تناله مدونتى
أتمنى ان لا يفقد احد عزيزا ولا غاليا ابدا
دمت بكل ود و خير
كا عام و انت بخير
أحمد حشمت
فعلا نار
نورتنى
كل سنة و انت طيب
mostafa rayan
ميرسى كتير على المرور و التعليق
دمت بكل ود و خير كل عام و انت بخير
الوردة البيضاء
أشكرك غاليتى على كلماتك الرقيقة
احيانا يكون الحبيب أب و أم و عالم من الأقارب
و عندما يذهب .... يموت الكون بأسره
كل تقديرى و احترامى و أشكرك على دعوتك لى لمدونتك
كل عام و انتى بخير غاليتى
أسير الجراح
ألف شكر ليك على كلامك الجميل ده
دمت بكل ود و خير و يا رب ديما اكون عند حسن ظنك
كل سنة و انت طيب
m.k.
ألف شكر غاليتى على المرور و التعليق
نورتى المدونة
دمتى بكل حب و خير
حازم سويلم
أشكرك على تعليقك و صراحتك فى النقد
هو بشكل عام الرباعيات اقوى من الشعر العادى لانها بتكون فكرة ملخصة و بتنتهى فى 4 سطور بس
و هنا بتكمن روعتها بغض النظر عن الكاتب
أتمنى تكون استمتعت بالرباعيات
نورتى و كل سنة و انت طيب و بالف خير
mondahesh
ميرسى جدا
أسعدنى وجودك الرقيق
كل سنة وانت طيبو بالف خير
دمت بكل ود
عمار صبرى
ألف شكر على تعليقك الرقيق
اتمنى اكون عند حسن ظنك ديما
نورتنى
كل عام و انت بخير
ذو النون المصرى
صدقت و صدق الفلاسفة
شكرا لك سيدى
دمت بود
شباب اون لاين
باربى
ألف شكر ليكى يا حبيبتى
بجد اسعدنى تواجدك جدا انتى و واحد مخه لاسع
و سعيدة ان كلماتى عجبتك
يارب ديما اقدر اكتب حجات تعجبك بس متجيش على المواجع علشان المواجع بطبيعة الحال مش ناقصة عندنا كلنا
نورتينى يا قمر
كل سنة و انتى طيبة
شهرزاد
حبيبتى و غاليتى
وجودك فى اى وقت يسعدنى
و مجرد وجود اسمك يدخل على قلبى الفرح و السرور
أشكرك حبيبتى
و تأخرى كما شئتى و لكن عودى فى النهاية :-)
كل تقديرى و حبى
كل سنة و انتى طيبة
مولان
نورتينى يا قمر
ميرسى اوى على تعليقك
اتمنى اشوفك ديما يا جميل
أحمد
ألف شكر على كلامك الجميل
و فعلا فقد الأحبة أصعب من اى شىء فى الحياة و لا يساويه الم
بالنسبة للخلفية فانا ممكن ابقى احاول افتح الألوان شوية
بس الخلفية الغامقة حاسة ان ليها مكانة فى كاريزما و فحوى عازفة الأوتار
بالنسبة لعرض التعليقات
ياريت تقولى الطريقة
انا من زمان عايزة اغيرها لانها فعلا تقيلة اوى بس مش عارفة الطريقة
نورتنى بجد يا احمد
و بشكرك على تواجدك الجميل
كل سنة و انت طيب و بألف خير
maha zein
ألف شكر على التعليق
نورتينى
كل سنة و انتى طيبة يا جميل
محمد ابراهيم
ميرسى بجد على كلامك و تشبيهك اللى اسعدنى جدا و ياريت اكون استحق التشبيه ده
نورتنى
ك سنة و انت طيب
عيد سعيد عليك
دمت بكل ود و خير
أحمد سيف
بجد و الله مش عارفة اقولك ايه
كلامك ده شرف ليا
و سعيدة جد انك هنا
نورتنى يا احمد و اتمنى اشوفك ديما
كل سنة و انت بالف خير و صحة و سلامة
عايش على الهامش
هههههه
تعليقك بجد ضحكنى جدا
و أسعدنى جدا جدا
انا عارفة انهم بيتعقدوا و تقريبا هو ده المصير اللى انا ريحاله برجليا
ربنا يستر بقى ابقى هاتلى عيش و بطاطس فى مستشفى الأمراض العصبية هههههه
انا عارفة انى غرقتكوا نكد الأيام اللى فاتت
و القادم أنكد هههههه
نورتنى و ميرسى على تعليقك اللذيذ ده
انت طلعتنى من مود الشجن اهو
نعكشة
نورتينى يا قمر
و ربنا ما يكتب عليكى فراق اى حد بتحبيه يا رب
كل سنة و انتى طيبة يا جميل
مدينة من النساء
أشكرك على التهنئة الجميلة
كل عام و انتى بالف خير و ود و حب
دمتى بكل ود
لا بجد فعلا انا افتكرت بكلماتك دي قصيد ابن الرومي
انا مش فاكر اسمها ايه
بس فعلا كان نفس الاحساس الي وصلني لما قرأتها لاول مرة و انا في 2 ثانوي
عموما كل سنة و انتي طيبة و بعودة الايام
و ياريت اشوفك عندي
تحياتي
محمد
رواية للنشر الإلكترونيّ
الإبداع الحقيقي حري ٌبالتعبير عن ذاته ، والفكر الإنساني لم يخلق ليختنق في ظلام الصدور، والمبدع الحقيقي يمتلك دوماً الحق المطلق في أن تجد أعماله طريقها للنور باعتبارها خلاصة تجربة إنسانية كاملة تستحق النشر .
من هذا المنطلق تعمل دار رواية للنشر الإلكتروني على إفراد مساحة كاملة للنشر لكافة مبدعي الشبكة العنكبوتية بإعتبارها الخطوة الأولي نحو النشر الورقي، وفي سبيل الحلم في أن يصل إنتاجك للجميع تتعهد الدار خدمة النشر الإلكتروني على موقعنا أولاً بصورة تليق بالأعمال مع توفير الدعاية اللازمة والمناسبة له على الشبكة على كافة المستويات ثم تقديم ما يصلح منها لدور النشر المختلفة شرط أن يكون حجم هذه الأعمال صالحاً للنشر الورقي .
بدايتنا هي الحلم المشترك ودافعنا للاستمرار هو الأعمال المميزة من أجل أن نحقق معاً توازناً للنشر الإلكتروني والورقي ... الجديد عندنا هو اختيار أفضل عمل سنوي يصل إلينا كل عام من خلال لجنة تنعقد لذلك وتعتمد في اختيارها في الأساس على استقراء القبول الذي لاقاه العمل المختار لنشره بصفة سنوية في معرض الكتاب مع التزام الدار بتكليف نشره وعمل الدعاية اللازمة له كاملة و بصورة مرضية لصاحبه .
يبقى أن ننوه أننا لن نخضع لشروط النشر المعتاد وتعسف دور النشر التقليدية و يكفي فقط أن يمثل عملك تياراً أدبياً ناضجاً سواء أكان العمل في صورة رواية أو ديوان شعر أو مجموعة قصصية .
لزيارة الدار:
http://rewaya1.blogspot.com/
موقعنا على الفيس بوك
http://www.facebook.com/group.php?gid=41385681402
بريد الكتروني :
rewaya12@hotmail.com
rewaya12@yahoo.com
عزيزتي الغالية
عازفة الاوتار
كل سنة وانتي طيبة وعيد مبارك عليكي
انتي لحد الان مش جيتي علشان تحجزي عديتك في المدونة عندي
انا مستنيكي ولو حتي جيتي بعد العديات ما تخلص انتي نصيبك محفوظ
كل سنة وانتي طيبة ويارب في العيد الجاي تبقي احلامك كلها حقيقة
تامر الحسيني
كل عام انتم بخير
كل سنة وانتي طيبة
عيد سعيد
سلام عليكِ
كل سنة وانتى طيبة وانشاء الله السنة الجاية تكونى حققتى كل احلامك
تحياتى ليكى
شخابيط mahgoub
ما هذا الذى اقرا لا اعلم لكن اقل ما يمكن ان يقال
رائع
تحياتى
عمرو
هو اول مرور ليا عالمدونة هنا انما مدونة من اكتر المدونات اللى ليها روح مميزة كدا و جوها هادى اوى و رقيق جدااا....البوست حلو اوى و مزيكة عمر خيرت كمان لايقة على كلامك
تحياتى
أزيك يا منه
بصي بقه علشان تغيري صفحة التعليقات
حتدخلي على صفحة الإعدادات
حتلاقي في عدة إختيارات
حتروحي على أختيار التعليقات وكليك عليه
حتلاقي تالت إختيارات مكتوب موضع نموذج التعليق
أنتي حتلاقي عندك متظلل على نافذه منبثقه
غيريه للإختيار الأول اللي هو صفحه كامله
وبعد كده أنزلي لتحت خالص أسفل الصفحه ودوسي على حفظ الإعدادات(مربع أحمر)
بس كده شفتي إزاي دي وصفه سهله دي وصفه هايله
وتبقي تطمنيني ها
سلااااااام
دفنت صورتك و ابتديت ابكى
****
مش عايشة من غيرك ولا حاسّة بالدنيا
***
مش عارفة ليه عايشة و حياتى ليه باقيةلما انت مش جنبى
الاحساس اللى عبرتى عنه بالكلمات رائع
لكن ملحوظتى الصغنونة
**
هو ده الحب الحقيقي بجد
صعب تدفنيه ولو حتى صورة
تذكرى دايما اننا نريد المزيد من العزف
تقبلى تحياتى
نسيت اقول لك كل سنة وانتى طيبة
معلش جت متاخرة شوية علشان انا لسة راجع من الحج من يومين بس
تحياتى للعازفة
ماتعمليش في نفسك كدا يا بنتي
البعد عنه اهون كتيييير من الجواز منه
:)
اساليني أنا
انتي فين يا بنتيييييييييي؟؟؟؟؟؟؟؟؟؟؟؟؟؟
انتي فين يا بنتيييييييييي؟؟؟؟؟؟؟؟؟؟؟؟؟؟
تامر الحسينى
و انت طيب و ميرسى بجد على الهدية الجميلة
كل تقديرى و احترامى اخى الغالى
ذو النون المصرى
و أنت بخير يا رب و ينعاد عليك
دمت بكل ود
الجنوبى
ميرسى كتير يا عمرو على تعليقك الجميل
كمان مدونتك فى منتهى الروعة و عجبتنى جدا لما دخلتها
اتمنى اشوفك ديما هنا
kochia
ميرسى يا قمر
و ان شاء الله كل ايامك تكون عيد و سعيد يا رب
نورتينى يا قمر
دينا
ميرسى يا جميل كلامك ده شرف ليا و وسام اعلقه على صدرى
نورتينى يا قمر و يا رب ديما اكون عند حسن ظنك
مستنياكى بقى كتير
أحمد باشا
ميرسى جدا جدا على الشرح الوافى
انا دخلت المدونة على السريع غيرتها الايام اللى فاتت علشان الناس متتخنقش بس مكانش عندى وقت ارد
بجد ألف شكر ليك و نورتنى و متحرمش من وجودك ابدا .... :-)
ذو الوجه المبتسم
أشكرك على تعليقك الجميل و ردك
فعلا مبنقدرش ندفن الصورة إلا لو هى اللى اجبرتنا على اننا ندفنها
و ربنا يعيد عليك العيد بالخير و البركة يا رب
انتظرك دائماً
طقهان
ههههههههههههه
حلو اوى ردك على فكرة
فعلا الموت اهون من الجواز منه
تحياتى و نورتنى بجد
نعكوشة
انا فى الدنيا و الله يا قمر
بس فى العيد مكنتش بعرف اقعد
و طلعت من العيد على شغل من اللى بالك فيه
المدير كان هنا و لسه مسافر النهاردة و حبدأ كمان فى المذاكرة علشان الإمتحانات
الدنيا كلها متطربقة فوق دماغى
ادعيلى يا جميل و طمنينى عنك :-)
حلوة قوى عازفة الاوتار كلماتك بالعامية على فكرة انتى عازفة على اوتار الحروف والكلمات
دمتى بحب وسعادة اسعدنى مرورك على مدونتى المتواضعة
Post a Comment