CLICK HERE FOR BLOGGER TEMPLATES AND MYSPACE LAYOUTS »

أنــــــا

My photo
انا اكتر من شخصية و كل ما فيّا بيحلم بيك

Sunday, October 18, 2009

نص حالة

انا مسافرة فترة و ممكن ميكونش فى عندى نت
بعتذر عن التأخر فى الرد لفترة
**********

هى كانت نص حالة
مش بريئة و مش مدانة
ايوة كانت نص فرحة ... نص دمعة
نص احساس بالخيانة
و الحقيقة ان احنا كنا ... نص حالة
نصنا احساس مشوه بالكمال
حب لكن جوة منه ألف "يمكن" و "احتمال"
.
حق شرعى بنسرقه من تحت اعتاب القانون
قاضى بيطبق عدالة
بألف شكل و ألف لون
شمس خايف منها نورها
لا النهار يطلع ظنون
نجم تايه جوة ليل
و القمر مكتوب غياب
كلمة كارهة حروف سطورها
جوة صفحة العتاب
.
والغياب ؟
الغياب كان فصل محفور جوة صفحة البداية
فصل محذوفة نهايته من تفاصيل الحكاية
.
و الفراق؟
الفراق ده باقى قصة
تايهة من فصل النهاية
جاية بكل الضعف بعلن
ان دى يا نص حبى تبقى صفحة النهاية

قلمـ/ منه مرتجى




19 comments:

smilyrose said...

السلام عليكم

اخبارك حبيبتى عازفة اوتار

قلوب المدونين

اخبرك يا منتى الحبيبة

وحشانى جدا

smilyrose said...

هيييييييه

انا اول تحليق

فى سماء عازفة المدونين

smilyrose said...

نص حاله

حب وخوف

شوق وقلق

لهفة وجنون

شئ وشئ مضاد ليه

قلق من بكرة

ولهفة لحنان وحب القلب مشتاق ليهم

صراع بين القلب والنفس

احتياج وخوف من الضياع

نص حاله

بس اكيد هيكون ليها معنى

من ذكرى وفكرة وامل لبكرة

نعكشة said...

وجهة نظر برضو


سلام عليكِ

مدينـة من النسـاء said...

حابه اوصفلك حالتي أنا بعد ما قريتها أول مره
سكت كتير ورجعت تاني أقراها بعد ماعملت حدود لكل صوت كائن جمبي
قفلت الموسيقى اللى عمرى ماستغنيت عنها وانا بكتب او بقرا اى شئ
قفلت عينى وقريتك بقلبي وقبل منه عقلي
قفلت نظرتي ورحت بعيد لوصف نظرتك
قفلت كل توقع لاى شئ ووقفت عند باب نتيجة دفاعك والحكم فى قضيه تايهه من البدايه
ازاى لقيتى صوت دفاع وازاى قدرتى تكونى صوت حكم
نص حالتك حاله غريبه من احساس ضعيف قوي
مغلوب بس عمره ماحب ينهزم
نص حالتك الغريب انها كملت عندى صورة اكتمال لحاله

كل اللى هاقدر اقوله انتى اد ايه عميقه بجد

علاء سالم said...

كلمات جميله بجد
ومعاني جديده ومختلفه

خالثص تحياتي لقلمك المبدع

momken said...

كلام حمي ومعبر جداً

وعجبنى اوى ايقعها رائع فعلا


تحياتى

كيكى عوووووو said...

شمس خايف منها نورها
لا النهار يطلع ظنون!!
مش محتاجة تعليق

رئيس التحرير said...

نص حالة
كنت فاكر الصوره تكمل؟
أستحاله
تبقي صوره كامله
مستحيل
تلقي قوس في المستطيل
زي ما أنا حاير
القطر داير
لافف قيوده
رابط ثوابت تطير

ابن الورقاء said...

ماشاء الله عليكى يا منة
كل يوم بيزيد جمال كلماتك
ربنا يوفقك واعذرينى لو جالك التعليق متأخر

ابن الورقاء said...

ماشاء الله عليكى يا منة
كل يوم بيزيد جمال كلماتك
ربنا يوفقك واعذرينى لو جالك التعليق متأخر

منه مرتجى - عازفة الأوتار said...

smilyrose

ربنا يخليكى يا جميل
منورة الدنيا كلها مش المدونة بس
ربنا يخليكى بجد انا بفرح بوجودك اوى
و عارفة انى بقصر جامد فى حق ناس كتير يستاهلوا منى واصل اكتر
بس بجد الوقت بس هو اللى مانعنى و بعض المشاغل

اتمنى انكم تعذرونى

منه مرتجى - عازفة الأوتار said...

ميرسى يا نعكشة
نورتى البوست يا جميل

منه مرتجى - عازفة الأوتار said...

مدينة من النساء
بجد الكلام اللى كتبتيه ده كان ممكن يمر عليا مرور الكرام لو كان من حد عادى
انما لما يكون من مدينة من النساء صاحبة مدونة من اعمق و ادفأ المدونات على البلوج
يبقى الكلام ده مش عادى
و بجد انا محظوظة انك حسيتى بكدة و انتى بتقرى كلماتى

و الله ده شرف ليا
و انتى منورانى و متعرفيش كلامك اسعدنى اد ايه

منه مرتجى - عازفة الأوتار said...

علاء سالم
اشكرك على التواجد و التعليق الرقيق

نورت المدونة بتاعتى و ان شا الله متكونش اخر زيارة

منه مرتجى - عازفة الأوتار said...

momken

ربنا يخليك بجد نورتنى
ميرسى على تعليقك الرقيق و يا رب اكون عند حسن ظنك ديما

منه مرتجى - عازفة الأوتار said...

كيكى عوووو

ربنا يخليكى يا قمر
منورانى يا جميل انتى و العووووو الجميل بتاعك
اجمل و ارق عووو قابلته فى حياتى

مواااا

منه مرتجى - عازفة الأوتار said...

رئيس التحرير


اكيد لو دورت على ابلغ من تعليقاتك مش حلاقى

تعليقاتك بعتز بيها جدا جدا و بكم الابداع اللى فيها

منه مرتجى - عازفة الأوتار said...

ابن الورقاء

ربنا يخليك ده بس من ذوقك
يا رب اكون عند حسن ظنك ديما


نورتنى