CLICK HERE FOR BLOGGER TEMPLATES AND MYSPACE LAYOUTS »

أنــــــا

My photo
انا اكتر من شخصية و كل ما فيّا بيحلم بيك

Tuesday, September 22, 2009

مقاس الضحكة


مقاس الضحكة مش أدك
و تمثيلك مهوش متقن
عيونك رغم ضحكتها
ممنعتشى سيول الدمع عن خدك
... و لمعة نظرتك لسة
ّكما هى
بنفس القوة بتحارب ... تفاصيل فرحتك بيّا
/
مفيش غيرى قدر يدخل موانيكى
و لا غيرى فيوم يجروء يآمن خوف ملى عنيكى
... مفيش غيرى
حيقدر يملى جواكى
فراغ هجرى .... و حرمانك
و لو حتى سمحتيله يجرب غزو أحضانك
حتتراجعى ...
لأنى عارف انه مش بإمكانك
فتمثيلك ولا أثر فيوم فيّا
مفاتيحك ... حتفضل سر فإديّا

قلمـ/منه مرتجى

15 comments:

smilyrose said...

السلام عليكم

وحشتينى جددددددددددددددددا

وعيد سعيد عليكى يا

عازفة اوتار القلوب

smilyrose said...

كلام بجد جميل

وبيدى ثقه للمحب

عارفه المشكلة فعلا اننا لما بنحب بجد

وبيكون الطرف الاخر على يقين بالحب

دا بيكون متأكد اننا مهما حصل

ومهما حاولنا اننا نمثل النسيان

فحبهم جوانا عايش

بس دا شئ مؤلم بجد

ان انسان يعيش جو القلب وهو لا يستحقه

انا بلخبط صح

بس معلش المهم

انك وحشتينى

وكل سنة وانتى طيبة يا جميل

rony said...

الله عليكى ده ايه الجمال ده كله
جميل انه يكون فى حب بين الطرفين
وكمان ثقه بين كل طرف
لكن الحب مفهوش عناد او تمثيل
الحب بيخلى كل طرف يحفظ اللى قدامه
يعرف ادق صفاته ومفاتيح قلبه منين
والا يكونوا مايستاهلوش بعض ربنا يدوم عليكى رقة قلبك والحب
وقلمك الحساس
وكل سنه وانتى طيبه
تحياتى

رئيس التحرير said...

اوتارك مشدوده ...
و كلماتك انشوده
يتغني بيها الفاهم
ويساهم
بنبال حروفه يداهم
حصونك المسدوده

منه مرتجى - عازفة الأوتار said...

smilyrose

ميرسى اوى يا حبيبة قلبى
ربنا يخليكى يا قمر

عيد سعيد علينا كلنا و على كل المسلمين بإذن الله

و ميرسى بجد على تعليقك الجميل
هو مش ملخبط ولا حاجة
بس هما اللى ملخبطين و ملخبطين الناس معاهم :)

ربنا يوفقك ديما يا قمر
و يكرمك بالحب الصادق و القلب الحنون اللى ترتاحى معاه يا رب

منورانى

منه مرتجى - عازفة الأوتار said...

rony

انتى اللى كلامك اجمل و الله يا قمر

فعلا ده مش بيكون اسمه حب
هو شىء كدة يقرب للحب بس من بعيد
و الأعراض متشابهه حبتين

ربنا يبعد عننا النوع ده من الحب
و يزرقنا الثقة فى الإنسان اللى نحبه

دمتى بكل خير

منه مرتجى - عازفة الأوتار said...

رئيس التحرير

بحتار فى رد على ردودك المنمقة المترتبة دى
و شرف لحروفى ان كلماتك تصفها بالروعة دى

يا رب اكون استاهل بس :)

نورتنى و منتظراك ديما

Nostor Azzuro said...

والله كلام جميل ومعقول

سعدت بالمرور

مدونة رائعة

منه مرتجى - عازفة الأوتار said...

ميرسى ربنا يخليك

اتمنى متكونش اخر زيارة
نورتنى

حـــــدوتـــــة said...

السلام عليكم

كلام جميل من بنت بلدى
وكل سنة وانتى طيبة

سلالالالالالالالالالالالالالالالالالام

ابن الورقاء said...

الله يسعد صباحك يا منة
وكل يوم كلامك بيزيد قوة ولمعان
وانا مبسوط جدا لمرورك على البوست
بصراحة يا منة كلام فوق الروعة وربنا يعطيكى القوة كى تسعدينا بكلماتك الجميلة

منه مرتجى - عازفة الأوتار said...

حدوتة

ألف شكر على المرور الجميل
و التعليق

نورتنى :)

منه مرتجى - عازفة الأوتار said...

ابن الورقاء

ألف شكر ليك على مرورك و تواجدك فى صفحتى

اتمنى اكون عند حسن ظنك

نورتنى

أحمد عاطف said...

هو انا حسيت انك بترتبي غرور الرجل في كلمات

وبتبيني اد ايه هو متكبر

هل احساسي صحيح ؟؟

لو كان صحيحا فثقي أن الرجل ليس متكبرا بقدر انه طفل

تحياتي لابداعك

منه مرتجى - عازفة الأوتار said...

أحمد عاطف
أشكرك على مرورك و تعليقك

الرجل طفل كبير
و تلك حقيقة مؤكدة لا يختلف عليها عقلين ...
طفل بكل ما تحمله الطفولة من رقة و عذوبة و نقاء و جاذبية تسرق العقول ...
كما لا تخلو طفولته من العند و الشراسة و الكبرياء ..

و انا ان كنت هنا اشير الى كبرياءه
فانا لست ضد هذا الكبرياء ابدا ... فقط عندما لا يشعر به و يستخدمه الطفل الشرس داخله ...


نورتنى و اتمنى ان لا تكون اخر زيارة لك فى مدونتى


دمت بود و خير