كل الحجات

كل الحجات بتفكرنى
بيك لما كنت بتكسرنى
و قولى اجيب الفرح منين ؟؟
و الدمع منك مالى العين
و كل شىء بيحيرنى

****
حجات كتير مش سيبانى
الدمعة فيها ملازمانى
و الجرح جارح بيغنى
و لو بكيت يزعل منى
لا فيوم نسيته ولا نسانى

****
و فى حجات بتعذبنى
رمتنى فيها و سايبنى
و قلبى صارخ من خوفه
و الحب بيدارى كسوفه
عشان ملامحه بتتعبنى

****
و فى حجات بتنسينى
جرحك و حزنى و سنينى
لكنى برجع من تانى
و احس بحجات قتلانى
جايز سعات بتقسينى

****
و فى حجات مش عرفاها
شيفانى و انا مش شيفاها
و الدنيا غدّارة و جارحة
مفيهاش ملامح للفرحة
لكنى راضية و عايشاها

.

.