: تحديث
اعتذر عن تغيبى لفترة زمنية ليست طويلة
اعود لكم بعدها بإذن الله
و اعتذر لكل من اغفلت تعليقه او تغيبت عن مدونته
اعذرونى
لم أفرح حينما أخترتنى لأكون شهرزاد مملكتك
فمنذ نعومة أظافرى و أنا اتابع قصص ألف ليلة و ليلة
أنصت لصوت صياح الديك عند كل صباح
.
.
عرفت عن شهريار الكثير
و رأيت مسرور يقف فوق جثث الجميلات
بينما شهريار غارقٌ فى أحضان شهرزاده الجديدة
عرفت عن شهريار الكثير
و رأيت مسرور يقف فوق جثث الجميلات
بينما شهريار غارقٌ فى أحضان شهرزاده الجديدة
.
.
... لذا
إذا ارتضيت أن أبقى شهرزاد
ستبقى أنت شهريار
و يبقى سيف مسرور بيننا
.
و الليلة الثانية بعد الألف حتماً آتية
و الليلة الثانية بعد الألف حتماً آتية
/
\
فابحث عن شهرزاد غيرى تحيى لياليك
Hi5 Falling Stars 
68 comments:
السلام عليكم ورحمه الله وبركاته
صديقتى ورود
كل يوم بتثبتِ لكل الناس ان جديره بالحترام
بس صديقتى هناك اناس ينتظرون شهرزاد
ليس من اجل القتل ولكن من اجل تحقيق الحلم معها
صديقتى ليس كل الرجال شهريار ولا كل النسا شهرزاد
فلتكونى ملكه على عالمك وشهريار مجرد راعى من الرعيه
والحمد الله ان انا اول تعليق
بجد انا سعيد جدا ان انا اول تعليق
دمتى بكل حب ورومانسيه
تمنياتى لكِ بكل خير
والله الموفق
عوووووووووووووووووووو
انا جيت اتخديتى
.......................
اييييييييييييييييييييية
يا اختشى الكلاااااااااااام
الجامد
دة
......................
بجد بجد
اسلوبك مختلف فى الكتابة واكثر من رائع
وكتابتك بجد تحفة
......................
والله مش بجامل
......................
الله يا ست
ياواد يا متمكن انت
......
علشان كدة يا بنتى انا رفضت انى اكون شهر يوليو
.......................
دومتى فى حفظ الرحمن وربنا يخليكى ويسعدك على طوللللللللللللللل الخط
عوووووووووووووووووووووووووووو
اكيد اللي عنده شهرزاد مثلك لازم تعدي عليهم الليله الخمسين الف
قصيده جميله
دومتي بخير
نبضك ساخن ..وكلماتك ملتهبة ..ومدونتغارقة في الروعة حتى قعرها ..
سعيد جدا بتصفح مدونتك الحبلى بشذى ونجوم وكلمات له مفعول السحر ..يعجبني بيانك وقوة حروفك ..
دمتي في تألق وإبداع
شهر زاد
فكرتك جميلة اوى
ورفض من شهرزاد جميله
طبعا انتى اول شهر زاد ترفض تكون امرأة لشهريار
تحياتى
....................
سندريلا
جميل انك ترفضى
انك متكونيش الاولى
وتتمردى على انك متبقيش الاخيرة
وتتنازلى عن عرش شهرزاد
تحياتى ومودتى واحترامى ليكى لقلمك الذهبى الرقيق
ربنا يصلح الحب ما افسدة مسرور حاولى تغيرة واقبلى ان تكونى شهر ذاد فقد تتمكنى من حماية لاف الجميلات بعدك
يا واد يا جامد انت...... حلو حلو خصوصا والليلة الثانية بعد الالف حتما اتية............. بتجيبى الكلام الحلو دة منين بس؟
إذا ارتضيت أن أبقى شهرزاد
ستبقى أنت شهريار
و يبقى سيف مسرور بيننا
.
و الليلة الثانية بعد الألف حتماً آتية
---------------------------
عارفة بجد لحد اخر كلمة وفى سؤال فى خيالى..
ترى هل رفضتى حقا!!!
موضوعك جميل اوي وبلوجك رائع :)
وليه ماتكونيش شهرزاد اللى خلت شهريار ينسى حكاية القتل دى؟؟
مش عايز اقولك حلو وجميل عشان مايبقاش كلام تقليدي .. بس بجد خاطرة معناها أكثر من رائع وفيها عمق للفكرة
بالفعل نرفض أحيانا أن نتقمص أدوار قد تكون ثانوية وذلك من أجل شخص أناني يحب دور البطولة .. فهل هو يستحق تلك التضحية .. أعتقد نادرا ما نجد هذا الشخص الذي نحبه لدرجة ان نكون مجرد كومبارس أمامه
تحياتي
اممممممممم
امممممممممم
امممممممممممممم
ازيك يا منه
دايما بتخرجي علينا بالأفكار المبتكره
ان اسطورة شهر زاد/يار تعد من أجمل ما كتب الأدباء عن علاقة الحب وطفولة كل رجل, فكل رجل في قلبه طفل صغير يود من زوجته ان تقوم في حياته بأدوار كثيره فهي الزوجه والحبيبه وكذلك الأم والونيسه
فتتعلم منها كل فتاة كيف تأسر زوجها بحيث لا يشرد بفكره عنها
فالزوجه التي تعرف نقاط الضعف في زوجها وتستثمرها لصالحها ستكون بالفعل شهرزاد
التي عرفت كيف تأسر اليها شهريار فلم يستطع الأستغناء عنها
وفي الليلة الثانيه بعد الألف طرد مسرور من الخدمه وأعطاه باقي حسابه
وعاش مع شهرزاده في تبات ونبات وخلفو صبيان وبنات
وتوته توته خلصت الحدوته
سلام يا أحلي ورود
صديقى العزيز مصطفى الطيب
أشكرك على كلماتك الرقيقة
وفقك الله دائماً و هداك طريق الصواب
أنا أيضاً سعيدة لكونك أول تعليق فى هذا البوست
كل كل تقديرى و احترامى
عوووووووو
انا جيت يا كيكى
.
.
.
اتخديتى ؟؟
ربنا يخليكى يا قمر
بجد مش عارفة اقولك ايه على كلامك الجميل ده
اخجتلى تواضعى يا جميل
بجد بجد نورتينى يا عسل انتى
ما اتحرمش من وجودك و رقتك
محمد حلمى مخلوف
ايه الكلام الحلو ده بس
ربنا يخليك يا محمد ده من زوقك و الله
نورتنى بوجودك الجميل ده
كل تقديرى و احترامى
مستر . كافيين
انا اللى سعيدة بوجودك على مدونتى و اطراءك عليها بهذا الشكل
و بهذه الحروف الرقيقة
دمت بكل ود و خير
انتظرك دائماً
سندريلا
ميرسى اوى على ردك الجميل ده
سعات كتير بنرفض حجات بنتمناها علشان نحافظ على شىء جوانا
دمتِ بكل ود و خير غاليتى
مدحت محمد
ميرسى اوى على تعليقك الرقيق
و كلامك اللى اسعدنى جدا
نورت البوست و نورتنى
ايوية
اشكرك على كلماتك الرقيقة التى بها العديد من المعانى
بالفعل الحب يصنع المعجزات
و قد يكسر سيف مسرور إذا كان اقوى منه
دمتِ بكل ود و خير غاليتى
انحنى لتعليقك
انجى
ربنا يخليكى يا قمر
ميرسى على كلامك الحلو ده
بالنسبة للفظ الليلة الثانية بعد الألف فده انا اقتبسته من مسلسل سورى بالإسم ده ( الليلة الثانية بعد الألف ) و الاسم اوحالى بنهاية الخاطرة دى
يعنى انا اضفت ( حتماً آتية ) بس
نورتينى يا عسل
سيدى الغزالى
اشكرك من كل قلبى على مرورك و تعليقك
بالنسبة للرد على سؤألك فأتركه لشهرزاد
.........
عندما نشعر بالخوف الدائم من الحب
عندما نرتعد عندما تتلامس أيدينا
عندما نسأل عن غداً فى خوف و ترقب
يتلاشى الحب و لا نكون فى حاجة لمواجهة صريحة و رفض بين
هو فين شهريار دا
بس هو ييجى و انا اتوبه عن الصنف كلة مقصوف الرقبة دا
انت بجد موهوبة و افكارك تحفة
ربنا يديمهك علينا نعمة و يحفظك من الزوال
تشاااااااااااااااووووووووووو
مش عارفة اصلا هو ينفع اننا نحط ناس فى حياتنا الاساس
واحنا نبقى وراء الستار
مش عااارفة انا محبتش مقدرش اقرررر
واضح انك اثبتي اني عمري ماقريت الف ليله وليله دي الا اغنية ام كلثوم
ههههههه
ولا اعرف شهريار ولا شهرزاد بس انا متأكد ان شهرتمانية ده صعب قوي والجو حر فعلا وحاجة متعبه
المهم
انا عايز افهم طيب البوست علشان اكون في الكادر بتاع الصورة بس علشان مبقاش زي مش عارف مين في الزفه
الشررررح
وجاري حل رموز التاج اللي اتبعت
امضاء شرياني
منمن يا شهرذاد ..... على فكرة الديك صاااااح
جميلة يا منة وسلامتها
كلماتك بجد حلوه اوى
بس بدل ماتنسحبي كوني شهر زاد اللى تعلم شهر يار الحب والصفح
كراوند برنسس
ميرسى اوى على مرورك و تعليقك يا قمر
نورتى المدونة
انتظرك دائما
دكتور عمرو
اترك الإجابة لشهرزاد ...
فى ناس ادمنت ريحة الدم
واعتقد ان الانسان صعب يقدم روحه لإنسان ممكن يحافظ عليها و ممكن يقتلها
العمر مش بعزقة يا دوك. :)
ورود بقى
نورتنى يا دوك
فارس بلا جواد
اسعدنى وجودك و تعليقك العميق
كما قلت
صعب ان نتقمص ادوار ثانوية من اجل رجل يحب ان يتقمص دور البطولة
لخصت كلماتى فى سطرين
اشكرك سيدى
الرسائل الرومانسية
ميرسى على المرور
بس اممممممم معناها ايه ؟؟؟
نورتنى
صديقى احمد
قصة جميلة نهايتها مشرقة
و لكن من مننا يضمن ان تكون كل النهايات كناهية قصتك الجميلة
بجد استمعت جدا بقصتك القصيرة و نهايتها الرائعة
دمت بكل ود و حب
كل تقديرى
ميرسى يا مرمورة
نورتى البوست
و شهريار ده فعلا عايز علقة
نجتمع عليه انا و انتى و نديلة علقة نصها موت
نخليه يرمى مسرور و السيف من بلكونة القصر
:)
نونو
اكيد مينفعش نعمل كدة
و ربنا يكرمك بحب يعزك و يعليكى يا رب يا قمر
نورتينى
نونو
اكيد مينفعش نعمل كدة
و ربنا يكرمك بحب يعزك و يعليكى يا رب يا قمر
نورتينى
القلب الأبيض ( وايت هارت )
هو شهر 8 فعلا بيكون حر جدا و ربنا يستر فيه
دعواتك
بالنسبة للبوست بقى
هى فكرته يا سيدى ان واحدة بتقول لواحد انها مش حتقدر تقبل حبه لان تاريخه اسود و منيل و قبل كدة هى شافته بيطعن كذا واحدة فى قلبها
و هى رافضة بعد كدة تكون واحدة منهم
بس كدة :)
هى دى كل الحكاية
و سلملى على شريانك :))
ياسمينا
كوكوكوكوووووو
و ألف سلامة عليها :))
نورتى يا باشا
لا برنسس ويسبر
نورنى وجودك و كلماتك الرقيقة
قد تكونين محقة غاليتى
الحب احياناً يفرض وجوده
دمتٍ بكل حب و خير انتظرك دائماً
هيا تعالى يارفيق حاضرى نبنى سطورا من صروح سعادتى
ونكون حبا لا وجود لمثله وتكون أبوابا بصدر روايتى
لا تهرب من الحب ولا تكن مخادعا
فالحب قد أطال غوايتى
جميلا جدا أن تكونى أميرة لأمير يبحث عن الحب
والأجمل أن تعلميه ما هو معنى الحب
عزيزتى ورود وأشواك أحببت
أن ابتدء تعليقى بكلماتى تلك لكى
أتعلمين أنك تحملين جزءا من إسمى
أحببت كلماتك واتمنى الاستمرا ر
smilyrose
:)
يا ولد
صعب قوي إن الواحد يحيا كدة و هوه علي أي غلطة هيتم استبدالة او قتله فالاستبادل احيانا يعني الموت
باخرى
عايشة بس عشان تحافظ عليه
وهو لا يتنوانى يذكرها كل شوية بانه هيسيبها
او هيخلي مسرور يودعها
و الاتنين واحد قلبها ف يالاخر هيموت
احييكي انك كنتي شجاعة لدرجة تركك لشهريار
بس تفتكري ان شهريار هيسيبك في حالك بعد قرارك دة؟؟؟
دمتي سالمة
سلامٌ عليكي
لا بجد المره دى البوست تحفه....عارفه اسلوبك وقوة كلماتك ووقعها الصادم فكرتنى بأسلوب نزار قبانى....كان نفسى بس تكون أطول شويه...كالعاده مبدعه....دمتى كذلك...تحياتى وشكرا
منتظرينك ياباشا ترجعيلنا بالسلامة ان شاء الله
انتى فين
؟
اتمنى تكونى بخير يا حبيبتى
دومتى فى حفظ الرحمن
عوووووووووو
مبدعه فكرت القصيدهوبجد تناول رائع لقصه حقيقيه عايشه بينا احييكي بجد عليها ويارب نقدر كلنا ونرفض نكون شهرزاد ومنخليش حد ابدا يشهر سيفه علينا
تحياتى
ما أجمل كلماتك فى هذا البوست الرائع.
ولإن إختارك أن تكونى شهرزاد فلتكسرى سيف مسرور وتغيره فينسى شهريار.
ولكن بما أنك أردتى أن يختار شهرزاد أخرى فلك الحرية فى ذلك.
أبدعتى :)
يادي الملل
طيب بس انجزي بأه متتأخريش
هههههههههههههههه
لا لا خدي راحتك
بس انجزي برضه
ههههههه
ترجعيلنا بالسلامه
تحياتي
لم اكن اعرف الكثير عن شهرزاد
عندما اخترت اسمي
ولكن ما اعرفه أنها إمراة ليست ككل النساء
ولا اظن أن شهريار سيتخاى عنها بسهولة
فسيتمسك بها ولن يدعها تتركه
أبدعت كعادتك
اتمنى لك عودة سريعة
وبالتوفيق والسعادة
تحياتي لك
smily rose
كلماتك جميلة أثرت صفحتى بوجودها
و لكن هناك اناساً يضيع العمر من بين يديكِ لكى تعلميهم ما معنى كلمة حب و بلا جدوى
أشكرك على مرورك غاليتى
دمتى بكل ود و خير
نعكشة
نورتينى بمرورك يا جميل
و بالنسبة لشهريار فإيده و ما تعطيه
فلقد محت شهرزاد اسمه من بين قائمة سلاطين الكون
و كل صراخه سيكون بلا صدى
نورتينى يا قمر و اسفة على تأخرى فى الرد عليكى
سيدى محمد داوود
أشكرك على اطراءك الذى اسعدنى جدا و جدد الدماء فى اطراف قلمى
شرف كبير لى ان تشبه اسلوبى بإسلوب كاتب و اديب بكل هذا الكم من الروعة كنزار
ليتنى اصل لذيول ابداعه
و بالنسبة لقصر الخاطرة
فانا اعلم ان خواطرى احسانا تسيطر عليها قلة الكلمات و الإيجاز
و احياناً اسهب كثيراً إلى حد الملل
ان شاء الله البوست اللى جاى يعجبك
دمت بكل ود و خير سيدى
مدحت محمد
ميرسى على متابعتك
وانا عدت الحمد لله
و خلال ايام حنزل بوست ان شاء الله
بس دلوقتى دخولى قليل لمدة يومين بسبب انشغالى قليلاً
نورتنى
كيكى
هههههههه
و الله كنت مفتقدة العوووو بتاعتك دى
انا بخير الحمد لله يا قمر
و تسلميلى على سؤالك يا رب
نورتينى يا جميل
عووووووووات كتير اوى
ماء تشرين
بشكرك من كل قلبى على تواجدك الرقيق و تعليقك الجميل ده
ليس من السهل ان نخرج من تحت سطوة سيف مسرور
و شهرزاد هنا تعترف بانها خضعت لسلطة سيفه
لكن رائحة الدماء عندما تفوح من ارجاء القصر
يكون قرار التخلى عن عرش شهرزاد هو الخيار الوحيد للحياة
اشكرك على مرورك الغالى
نورتينى
قلب مصرى
عندما يعتاد شهريار القتل دائماً
نجد سيفه مغروز فى كل باقة ورد يقدمها
و نجد رائحة الموت فى كل زجاجة عطر يهديها لحبيبته
و ليس هناك امرأة على سطح الأرض تقبل ان تعشق تحت تهديد السلاح
اشكرك من كل قلبى على لطفك و مرورك الكريم دمت بكل ود و خير سيدى الغالى
white heart
امال فين امضاء شريانك ههههههه
انا جيت اهو و معلش اتأخرت شوية
شهرزاد
كلماتك بشكل خاص تخترقنى
و كنت انتظر تعليقك على هذه الخاطرة تحديدا لانها تحتوى على اسمك
شهرزاد بالفعل شخصية مميزة و فريدة من نوعها
قد تجعل كل شهريار يراها يموت تحت اقدام الإخلاص لها
إلا شهريار واحد .... لا يعشق فى الكون سوى القتل و يموت تحت اقدام الإخلاص لخيانته
نورتينى غاليتى الرقيقة
و انتظر دائماً لان كلماتك تسحق دواخلى
دمتى بكل ود و خير
والله انتي جميلة اوي وكلماتك روعة وانا بحبك جداً
لعل المانع خير
وفى سياق حديث وعد بالعوده مهما طال الغياب
ارجعى بسرعه
سواء كنتى شهرذاد
او اى شهر اخر
فقط عودى
تحياتى
خلاص اتنازلتى عن عرش شهرزاد , بس انتى كدة مش هتبقى زى شهرزاد لأن شهرزاد مااتنازلتش وهيه اللى كسبت فى الاخر , جربى جايز تقدرى تكسبى زيها وسلعتها تخدى لقبها عن جدارة
غاليتى نورة
ربنا يخليكى يا قمر تسلميلى
و انا بحبك و الله اوى
اسفة على التأخير فى الرد يا قمر و ياريت تعذرينى
momken
عدت و الحمد لله
و انا لست شهرزاد او اى شهر اخر
عدت و انا اشعر باننى سنة كاملة متكاملة و الحمد لله
اشكرك على وجودك اخى الكريم
زى الهوا
ميرسى اوى على التعليق الجميل ده
انا لا اسعى لأن اكون شهرزاد
لان شهريار شخصية خيالية ليس لها وجود على ارض الواقع
و انا نويت أن احب بواقعية و ان اتخلى عن كل الأنسجة الخيالية التى كانت تكبل عالمى
فهنيئا لأى شهرزاد أخرى تود الجلوس على العرش
Post a Comment